Actor Deepak Tijori Filed Fraud Complaint : બોલિવૂડ અભિનેતા દીપક તિજોરીએ પ્રખ્યાત પ્રોડ્યુસર વિક્રમ ખાખર પર પૈસાની ગોલમાન કરવાને લઈને છેતરપિંડીનો આરોપ લગાવ્યો છે. તેણે કહ્યું કે, 'પ્રોડ્યુસરે ફિલ્મ બનાવવા માટે મારી પાસેથી મોટી રકમ લીધી હતી અને પછી પરત આપવાની ના પાડી હતી.' જેને લઈને અભિનેતાએ પ્રોડ્યુસર વિરુદ્ધમાં અંબોલી પોલીસ સ્ટેશનમાં છેતરપિંડીની ફરિયાદ નોંધાવી છે. જ્યારે સમગ્ર મામલે પોલીસે તપાસ શરુ કરી છે.
આ પણ વાંચો : 'ખોસલા કા ઘોસલા' ફિલ્મના જાણીતા અભિનેતાની કારને નડ્યો અકસ્માત, ICUમાં કરાયો દાખલ
અભિનેતાએ પ્રોડ્યુસર પર લગાવ્યો લાખોની છેતરપિંડીનો આરોપ
દીપકે કહ્યું કે, 'પ્રોડ્યુસર વિક્રમે લંડનમાં તેમની ફિલ્મ 'ટિપ્સી'ના શૂટિંગમાં મદદ કરવાનો વાયદો કર્યો હતો, જેના માટે પ્રોડ્યુસરે 17.40 લાખ લીધા હતા. જ્યારે પણ હું પ્રોડ્યુસરને ફિલ્મના સ્ટેટ્સ વિશે કહું તો કોવિડના કારણે મોડું થયું હોવાનું બહાનું આપે છે. તેવામાં વિક્રમે મને જણાવ્યું કે, યુરોપમાં ફિલ્મની શૂટિંગ રોકી દેવામાં આવી છે, જેમાં મહામારીની અસર ઓછી થયા પછી ફિલ્મ આગળ વધશે તેવું બહાનું આપે છે. જેથી ફિલ્મના કોઈ એંધાણ ન હોવાથી મે પૈસા પાછા માગ્યા હતા, પરંતુ પૈસા ન આપતા અંતે પોલીસમાં ફરિયાદ નોંધાવી છે.' સમગ્ર ઘટનાને લઈને પોલીસે તપાસ શરુ કી છે.
આ પણ વાંચો : એક વર્ષથી એક્ટિંગથી દૂર સામંથાએ રક્તબ્રહ્માંડનું શૂટિંગ શરુ કર્યું
પછી આ પ્રોડ્યુસરને આપી હતી ફિલ્મ
પ્રોડ્યુસર વિક્રમે છેતરપિંડી કર્યા બાદ અભિનેતા દીપકે બીજા પ્રોડ્યુસર રાજુ ચડ્ડા સાથે મળીને 'ટિપ્સી' ફિલ્મ બનાવી. ફિલ્મમાં દિપક એક્ટિંગ કરવાની સાથે ડાયરેક્ટર રહ્યો છે. આ ફિલ્મ 10 મે, 2024ના રોજ રીલિઝ કરવામાં આવી હતી. દીપક તિજોરીએ આશિકી, દિલ હૈ કી માનતા નહીં, જો જીતા વહી સિકંદર જેવી ફિલ્મોમાં કામ કર્યું છે.
from Entertainment News - Gujarat Samachar : World's Leading Gujarati Newspaper https://ift.tt/wDE7Hz3
ConversionConversion EmoticonEmoticon