- આંકલાવ તાલુકાના ગંભીરા ગામનો બનાવ
- બાઇકની ટક્કરથી રસ્તા પર પટકાયેલા યુવાનને ગંભીર ઇજા પહોંચી હતી
ગંભીરા ગામે રહેતા ચિરાગ શશીકાન્તભાઈ પઢિયાર ગઈકાલ સમીસાંજના સુમારે ગામના બસ સ્ટેન્ડ નજીક આવેલ એક ગલ્લાં પરથી પરત આવવા ચાલતા નીકળ્યા હતા.
દરમ્યાન પુરપાટ ઝડપે આવી ચઢેલ એક મોટરસાયકલના ચાલકે પોતાનું વાહન ગફલતભરી રીતે હંકારી લાવી ચિરાગ પઢિયારને જોરદાર ટક્કર મારી હતી.
મોટરસાયકલની ટક્કર વાગતા ચિરાગ રોડ ઉપર પટકાયો હતો. તેને માથા તેમજ શરીરના અન્ય ભાગોએ ગંભીર ઈજાઓ પહોંચતા આસપાસના સ્થાનિકો ઘટના સ્થળે એકત્ર થઈ ગયા હતા. દરમ્યાન સ્થાનિકોએ ૧૦૮ને જાણ કરતા ૧૦૮ની ટીમ પણ ઘટના સ્થળે દોડી આવી હતી અને ગંભીર રીતે ઘવાયેલ ચિરાગને તુરંત જ બોરસદ ખાતેની હોસ્પિટલમાં લઈ જવાયો હતો.
જ્યાં ફરજ પરના તબીબે તેને મૃત જાહેર કર્યો હતો. આ બનાવ અંગે આંકલાવ પોલીસે મોટરસાયકલ ચાલક શક્તિસિંહ પઢિયાર વિરૂધ્ધ અકસ્માતનો ગુનો નોંધી કાયદેસરની કાર્યવાહી હાથ ધરી છે.
from Kheda anand News - Gujarat Samachar : World's Leading Gujarati Newspaper https://ift.tt/JjzoCDB
ConversionConversion EmoticonEmoticon