- રિક્ષા પાછળ મોટર સાયકલ અથડાતાં અકસ્માત
- માતાને અમદાવાદ લેવા જતી વખતે મોતને ભેટયા
આણંદ જિલ્લાના સોજીત્રા હાલ અમદાવાદના ઘોડાસર ખાતે રહેતા જયેશભાઇ બાબુભાઈ ઉપાધ્યાય રીક્ષા ડ્રાઈવિંગ કરી પરિવારનું ગુજરાન ચલાવે છે. જયેશભાઈ તા.૯-૩-૨૦૨૨ ના રોજ પોતાના વતન સોજીત્રા ખાતે રહેતા નાના ભાઈના ઘરે પોતાની માતાને મુકવા ગયા હતા ત્યાંથી બીજા દિવસે પરત અમદાવાદ જવા નીકળ્યા હતા. આ દરમિયાન ગુરુવારે સાંજના છ વાગ્યાના સુમારે જયેશભાઈ પોતાની રિક્ષા હંકારી નેશનલ હાઇવે નં.૪૮ પરથી અમદાવાદ તરફ જઈ રહ્યા હતા. ત્યારે વડાલા પાટીયા પાસે પૂરઝડપે આવેલ મોટરસાયકલ ધડાકાભેર રિક્ષા પાછળ અથડાતાં રીક્ષા બે ત્રણ પલટી ખાઈ ગઈ હતી.
આ અકસ્માતમાં રિક્ષાચાલક જયેશભાઈ (ઉં. ૫૬ વર્ષ) રિક્ષામાંથી ફૂટબોલની જેમ રોડ ઉપર પટકાતા તેમને ગંભીર ઈજા થતાં ઘટનાસ્થળે જ મોત નીપજ્યું હતું. જ્યારે મોટરસાયકલ ચાલકને પણ ઈજા થઈ હતી. આ બનાવ અંગે મૃતકના નાના ભાઈ મહેશભાઈ બાબુભાઈ ઉપાધ્યાયએ ખેડા ટાઉન પોલીસ સ્ટેશનમાં ફરિયાદ આપતા પોલીસે મોટરસાયકલ ચાલક સામે ગુનો નોંધી કાયદેસરની કાર્યવાહી હાથ ધરી હતી.
from Kheda anand News - Gujarat Samachar : World's Leading Gujarati Newspaper https://ift.tt/ZwhFdL5
ConversionConversion EmoticonEmoticon