- શહેરના મંજીપુરામાં સાઇલેન્સર ચોર ટોળકી સક્રિય નાના કુંભનાથ વિસ્તારમાંથી એક્ટિવા ચોરાયું
નડિયાદ : નડિયાદ શહેરના નાના કુંભનાથ રોડ પરથી એક એક્ટિવા જ્યારે મંજીપુરા વિસ્તારમાંથી ત્રણ ઈકો કારના સાઇલેન્સરો કોઇ તસ્કરો ચોરી ગયા હતા. બનાવ અંગે પોલીસે ગુનો નોંધી તપાસ હાથ ધરી છે.
નડિયાદ તાલુકાના વાલ્લા, રાવળવાસ માં રહેતા ધવલભાઇ નિલેશભાઈ રાવળ નડિયાદ નાના કુંભનાથ રોડ પર આવેલી ઓફિસમાં ગયા હતા. બહાર આવ્યા ત્યારે જણાયું હતું કે તેમનું ગ્રે કલરનું એક્ટિવા કોઇ ચોરી ગયું છે. બનાવ અંગે નડિયાદ ટાઉન પોલીસે ગુનો નોંધી કાયદેસર કાર્યવાહી હાથ ધરી હતી.
નડિયાદ શહેરના મંજીપુરા રોડ વિસ્તારમાં આવેલા મોહિત એપાર્ટમેન્ટમાં રહેતા પ્રેમ કિશન ધરમદાસ મોતિયાણીએ પોતાની ઇકો કાર એપાર્ટમેન્ટ સામે રોડ પર પાર્ક કરી હતી. આ ઉપરાંત હિતેશભાઈ નરેશભાઈ સેજવાણી તથા દીપકભાઈ અશોકભાઈ મોરદાનીએ પણ એપાર્ટમેન્ટ સામે પાર્ક કરેલી ત્રણેય કારમાંથી કોઈ તસ્કર ટોળકી ત્રણ સાઇલેન્સર કિંમત રૂ. ૧,૯૫,૦૦૦ ની મતા ચોરી ગયા હતા. આ બનાવ અંગે નડિયાદ રૂરલ પોલીસમાં ફરિયાદ નોંધાવવામાં આવી છે.
from Kheda anand News - Gujarat Samachar : World's Leading Gujarati Newspaper https://ift.tt/ht3xz7J
ConversionConversion EmoticonEmoticon