- 'આરઆરઆર' આવી રહી છે, જેમાં આલિયા 'સીતા' છે અને એ ફિલ્મ ફિલ્મસર્જક એસ. એસ. રાજામૌલીની છે. આ ફિલ્મમાં આલિયા સાથે તેલુગુ અભિનેતા રામચરણ, જુનિયર એન. ટી. આર. ઉપરાંત અજય દેવગન પણ છે
આલિયા ભટ્ટના જન્મદિનની ઉજવણીમાં રણબીર કપૂર તો કોરોનાગ્રસ્ત હોવાને કારણે હાજર નહીં રહી શક્યો, પણ તેની શુભેચ્છા તો આલિયા સાથે જ હોય એ કહેવાની જરૂર નથી કેમ કે અત્યારે આલિયા જે ઝડપે આગળ વધી રહી છે તે જોઈને તેને આનંદ થાય એ સ્વાભાવિક છે. સંજય લીલા ભણસાલીની 'ગંગુબાઈ' પછી આલિયાની વધુ એક ફિલ્મ 'આરઆરઆર' આવી રહી છે, જેમાં આલિયા 'સીતા' છે અને એ ફિલ્મ ફિલ્મસર્જક એસ. એસ. રાજામૌલીની છે. આ ફિલ્મમાં આલિયા સાથે તેલુગુ અભિનેતા રામચરણ, જુનિયર એન. ટી. આર. ઉપરાંત અજય દેવગન પણ છે.
આ ફિલ્મમાં મહાન સ્વાતંત્ર્ય સેનાની અલ્લરી રાજુ અને કોમારામ ભીમની બહાદુરી અને શૌર્યની ગાથા વર્ણવવામાં આવી છે. આ અંગેના ટ્વીટમાં ફિલ્મસર્જક એસ. એસ. રાજામૌલીએ જણાવ્યું છે કે 'સીતાનો રામારાજુનો રાહ ઐતિહાસિક બની રહેશે. સીતામાં જબરદસ્ત ઇચ્છાશક્તિ છે અને અમે આલિયાને સીતા તરીકે રજૂ કરી છે.'
'આરઆરઆર'માં આલિયાએ તેનો સીતા તરીકેનો લૂક શેર કર્યો છે, જેમાં તેણે લીલી સાડી અને લાલ ફૂલબાંય ધરાવતું બ્લાઉઝ પહેર્યું છે અને તે દબદબાભરી લાગે છે.
આલિયા 'ગંગુબાઈ'માં પણ ખૂબ અદ્ભુત લાગે છે. આ બંને ફિલ્મો ઉપરાંત આલિયા 'બ્રહ્માસ્ત્ર'માં રણબીર કપૂર સાથે આવી રહી છે, જે ફિલ્મ તૈયાર થઈ ગઈ છે અને તે રિલિઝની રાહ જોઈ રહી છે. આટલું ઓછું હોય તેમ આલિયાએ પ્રોડક્શન હાઉસ શરૂ કરી શાહરૂખ ખાન સાથે ફિલ્મ બનાવવાનું નક્કી કર્યું છે.
આમ, આલિયા ધીમે ધીમે પણ મક્કમ ગતિએ જે રીતે આગળ વધી રહી છે, એ નિહાળી કોઈનેય આશ્ચર્ય થાય, ત્યારે રણબીર કપૂરને કેમ આનંદ નહીં થાય?
from Magazines News - Gujarat Samachar : World's Leading Gujarati Newspaper https://ift.tt/31E2YjV
ConversionConversion EmoticonEmoticon