નડિયાદ : ખેડા જિલ્લામાં ત્રણ અલગ સ્થળો પરથી વિદેશી દારૂનો જથ્થો સ્થાનિક પોલીસે ઝડપી પાડયો છે.ઠાસરાના કોટલીદોરામાં અને નડિયાદ તાલુકાના ડભાણ ગામની પ્રાથમિક શાળાની સામેની ખુલ્લી જગ્યામાં સ્થાનિક પોલીસે દરોડો પાડયો હતો.જ્યારે વસોના મિત્રાલ રાધુપુરા વિસ્તારમાં આવેલ એક ફાર્મહાઉસની સામે એલ.સી.બી ટીમે દરોડો પાડી વિદેશી દારૂ જપ્ત કર્યો હતો.ત્રણેય બનાવો અંગે સ્થાનિક પોલીસે ગુનાઓ નોંધી આગળની કાર્યવાહી હાથ ધરી છે.
ડાકોર સ્થાનિક પોલીસની ટીમ પેટ્રોલિંગમાં નિકળી હતી તે સમયે બાતમી મળી હતી કે કોટલીડોંરા તાબે આવેલ કૃષ્ણનગરમાં રહેતા નરેન્દ્રભાઇ ચાવડા ખાનગી રાહે ભારતીય બનાવટનો વિદેશી દારૂ લાવીને ચોરી છુપીથી વેચાણ કરે છે.જે અનુસંધાને સ્થાનિક પોલીસની ટીમે બાતમી આધારે દરોડો પાડયો હતો.પરંતુ નરેન્દ્રભાઇ ઘરમાં હાજર મળી આવેલ ન હતા.જેથી પોલીસ ટીમે ઘરની તલાસી લેતા ઘરની પાછળ આવેલ ખુલ્લી જગ્યામાં પડેલ તમાકુના રાડીયામાંથી ભારતીય બનાવટનો વિદેશી દારૂ કિ.રૂા.૩,૪૦૦ નો મૂદ્દામાલ જપ્ત કર્યો હતો.આ બનાવ અંગે ડાકોર પોલીસે ગુનો નોંધી આગળની કાર્યવાહી હાથ ધરી છે.
નડિયાદ રૂરલની ટીમ પેટ્રોલિંગમાં નિકળી હતી તે સમયે બાતમી મળી હતી કે ડભાણ ગામની પ્રાથમિક શાળા સામે આવેલ જી.ઇ.બી.ની ડી.પી સામેની ખુલ્લી જગ્યામાં આકાશ ઉર્ફે કાશીઓ દિનેશભાઇ ભોઇ વિદેશી દારૂનુ વેચાણ કરે છે.જે અનુસંધાને સ્થાનિક પોલીસની ટીમે બાતમી આધારે દરોડો પાડયો હતો.જો કે સ્થળ પરથી આકાશ ભોઇ ફરાર થવામાં સફળ રહ્યો હતો.પોલીસ ટીમે બાતમી આધારિત સ્થળ પરથી વિદેશી દારૂ કિ.રૂા.૨,૦૦૦ ના મૂદ્દામાલ જપ્ત કર્યો હતો.આ બનાવ અંગે નડિયાદ રૂરલ પોલીસે ગુનો નોંધી આગળની કાર્યવાહી હાથ ધરી છે.
ખેડા એલ.સી.બી ટીમ પેટ્રોલિંગમાં નિકળી હતી કે સમયે બાતમી મળી હતી કે મિત્રાલ રાધુરુકા વિસ્તારમાં આવેલ એક ફાર્મ હાઉસની સામે અજયભાઇ ચૌહાણ પોતાના ઘરની પાસે વિદેશી દારૂનુ ખાનગી રાહે વેચાણ કરે છે.જે અનુસંધાને પોલીસ ટીમે બાતમી આધારિત સ્થળ પર દરોડો પાડયો હતો.તે સમયે એક વ્યક્તિ જમીન પર બેસીને કંઇક કરી રહ્યો હતો.તેનુ નામ પૂછતા તેણે તેનુ નામ અજયભાઇ ચૌહાણ જણાવ્યુ હતુ. પોલીસ ટીમ અજયભાઇ જે જગ્યા પર બેસીને કંઇક રહ્યા હતા ત્યા તલાસી લેતા એક પીપમાંથી ભારતીય બનાવટનો વિદેશી દારૂ બોટલ નંગ-૨૪ કિ.રૂા.૧૦,૫૦૦ નો મૂદ્દામાલ મળી આવ્યો હતો.આ બનાવ અંગે એલ.સી.બી ટીમે અજયભાઇ ચૌહાણ વિરુધ્ધ વસો પોલીસ મથકે ફરિયાદ નોંધાવી છે.
જ્યારે વસો પોલીસે ગુનો નોંધી આગળની કાર્યવાહી હાથ ધરી છે.
from Kheda anand News - Gujarat Samachar : World's Leading Gujarati Newspaper https://ift.tt/3dwRzbe
ConversionConversion EmoticonEmoticon