નડિયાદ : ખેડા જિલ્લામાં આજે દસમાંથી ચાર તાલુકાઓમાં કુલ ૩૩ કોરોના પોઝિટિવ કેસ નોંધાયા છે. મળતી વિગતો પ્રમાણે આજ રોજ છેલ્લા મહિનામાં એક દિવસમાં સૌથી વધારે ૮ કોરોના મૃત્યુ નોંધાતા શહેરમાં હાહાકાર મચી જવા પામ્યો છે.
આજ રોજ ૩૩ નવા કોરોના પોઝિટિવ કેસો નોંધાતા જિલ્લામાં કુલ કેસોનો આંક ૪૧૮૪ પર પહોંચ્યો છે.નડિયાદમાં આજે ૮ વ્યક્તિઓ કોરોનાને લીધે મૃત્યુ પામ્યા હોવાનું જાણવા મળ્યું છે. એપ્રિલના આઠ દિવસમાં નડિયાદના સ્મશાનગૃહના ચોપડે કોરોનાનો કુલ મૃત્યુઆંક ૩૫ પર પહોંચ્યો હોવાનુ જાણવા મળે છે. જિલ્લામાં ગુરુવારે નોંધાયેલા કુલ ૩૩ કેસોમાં ૧૯ પુરુષ અને ૧૪ સ્ત્રીઓ છે. નડિયાદ તાલુકામાં સૌથી વધુ ૨૯, જ્યારે ઠાસરામાં બે અને વસો-ખેડામાં ૧-૧ પોઝિટિવ કેસ નોંધાયા છે.
from Kheda anand News - Gujarat Samachar : World's Leading Gujarati Newspaper https://ift.tt/3mAofoz
ConversionConversion EmoticonEmoticon