આણંદ : ઉમરેઠ સાંઈનાથ ચોકડી નજીક આવેલ એક કેળાના ખેતરમાં પતરાંના શેડની પાસે ખુલ્લામાં પાનાપત્તાનો હારજીતનો જુગાર રમી રહેલા ૧૨ શકુનીઓને ઉમરેઠ પોલીસે ઝડપી પાડયા હતા. પોલીસે કુલ્લે રૂા.૧૬૧૮૦નો મુદ્દમાલ જપ્ત કરી ઝડપાયેલ તમામ શખ્શો વિરૂધ્ધ જુગારધારા હેઠળ ગુનો નોંધી વધુ તપાસ હાથ ધરી છે.
ઉમરેઠ પોલીસની ટીમ ગતરોજ પેટ્રોલીંગમાં હતી ત્યારે ઉમરેઠ સાંઈનાથ ચોકડી નજીક આવેલ રાજુભાઈ મોહનભાઈ પટેલના ખેતરમાં પતરાં શેડની પાસે કેટલાક શખ્શો એકત્ર થઈ પાનાપત્તાનો હારજીતનો જુગાર રમી રહ્યા હોવાની બાતમી પોલીસની ટીમને મળી હતી. જેથી પોલીસની ટીમે બાતમીવાળા ઓચિંતો છાપો મારતા જુગાર રમી રહેલ શખ્શોમાં નાસભાગ મચી જવા પામી હતી. પોલીસે ઘટના સ્થળેથી બિપીનભાઈ બચુભાઈ તળપદા (રહે.આંબાવાડી, ઉમરેઠ), ઉર્વેશભાઈ નરસીંહભાઈ ભોઈ (રહે.વાલોડી વિસ્તાર, રતનપુરા), વિષ્ણુભાઈ ગોરધનભાઈ વાઘરી (રહે.સાંઈબાબા મંદિર સામે, ઉમરેઠ), મિનેશભાઈ રમણભાઈ વાઘરી (રહે.આંબાવાડીયુ, ઉમરેઠ), મંગળભાઈ બાબુભાઈ વાઘરી (રહે.વ્યાસનો કૂવો, માર્કેટયાર્ડ પાછળ, ઉમરેઠ), પીન્ટુભાઈ કાંતિભાઈ વાઘરી (રહે.આંબલી ફળીયું, ઓડબજાર, ઉમરેઠ), ગોપાલભાઈ પુંજાભાઈ વાઘરી (રહે. શ્રીજી હોસ્પિટલ સામે, આંબાવાડીયું, ઉમરેઠ), સંદિપભાઈ ભઈજીભાઈ વાઘરી (રહે. વ્યાસનો કૂવો, ઓડબજાર, ઉમરેઠ), મહેન્દ્રભાઈ ભઈજીભાઈ વાઘરી (રહે.વ્યાસનો કૂવો, માર્કેટ યાર્ડ પાછળ, ઓડ બજાર, ઉમરેઠ), સુનિલભાઈ ગોવિંદભાઈ તળપદા (હાલ રહે.સાંઈબાબા મંદિર સામે, ઉમરેઠ, મૂળ રહે.કોર્ટની પાસે, નડીયાદ), જીતેન્દ્રકુમાર ભયલાલભાઈ પટેલ (રહે.કાછીયા પટેલની વાડી પાસે, ઉમરેઠ) અને રમેશભાઈ બચુભાઈ વાઘરી (રહે.શ્રીજી હોસ્પિટલ સામે, ઉમરેઠ)ને જુગાર રમતા રંગેહાથ ઝડપી પાડયા હતા.
પોલીસે તેઓની અંગજડતી લેતા રોકડા રૂા.૧૪૫૬૦ અને દાવ ઉપરથી મળી આવેલ રૂા.૧૬૨૦ તેમજ પાનાપત્તા મળી કુલ્લે રૂા.૧૬૧૮૦નો મુદ્દામાલ જપ્ત કરી ઝડપાયેલ તમામ શખ્શો વિરૂધ્ધ જુગારધારા હેઠળ ગુનો નોંધી કાયદેસરની કાર્યવાહી હાથ ધરી છે.
from Kheda anand News - Gujarat Samachar : World's Leading Gujarati Newspaper https://ift.tt/3frmice
ConversionConversion EmoticonEmoticon