રાજકુંવર છું તારો...
તોફાની છું તો ય કહે તું
'ડાહ્યો દિક્કો મારો !''
મા, હું રાજકુંવર છું તારો...
જરા ઉઠું જો મોડો
ત્યાં તું કરતી કૈં કકળાટ !
પડતાં મૂકી કામ બધાંયે,
લેકચર થાતું સ્ટાર્ટ !
વાત-વાતમાં કહ્યા કરે તું -
'રાખજે તારું ધ્યાન !'
ભૂલ પડે ત્યાં તરત પ્રેમથી
પકડે મારો કાન !
મીઠો લાગે વ્હાલી જેવો જ
કાયમ તારો ડારો !
મા, હું રાજકુંવર છું તારો...
કદી કહે તું રામ અને
ને કદી કહે ઘનશ્યામ !
વખાણ મારા કરવાં
એ તો તારું ગમતું કામ !
પળ-પળ તું ખરચાતી,
તારાં સુખ ભૂલી તમામ !
કહેતી તો પણ -
'કરજે રોશન પપ્પાજીનું નામ !'
મા ! તારો સંગાથ ખરેખર,
પરમેશ્વરથી પ્યારો !
મા, હું રાજકુંવર છું તારો...
- કિરીટ ગોસ્વામી
from Magazines News - Gujarat Samachar : World's Leading Gujarati Newspaper https://ift.tt/37uINZE
ConversionConversion EmoticonEmoticon