- રશિયામાં પુટિનનો દબદબો દાયકાઓ સુધી જારી જ રહેશે : જાપાનના વડાપ્રધાન આબેનું રાજીનામુ
- કોરોનાની સાથે વિશ્વને વિફરેલ હવામાન, ભયંકર આગ અને વિસ્ફોટોનો પણ પડકાર
ટ્રમ્પને બાઈડેન સામેની ટક્કરમાં હાર જોવી પડી
- જાપાનમાં પૂર : 77નાં મૃત્યુ
- અમેરિકામાં અશ્વેતોનાં આંદોલનમાં કોલંબસના પૂતળાનો શિરચ્છેદ
જાન્યુઆરી
નવા વર્ષનો પ્રારંભ જ કુદરતી પ્રકોપ કોરોનાના કહેર અને અમેરિકા ઇરાનના વર્ડવૉરથી થયો હતો. ઇરાને અમેરિકી સૈન્યોને આતંકી જાહેર કર્યા, દાવોસમાં ૫૦મું શિખ સંમેલન યોજાયું. ફ્રાન્સમાં પેન્શન સુધારા વિરૂધ્ધ ૨૦૦ વર્ષમાં સૌથી મોટી હડતાલ. બ્રિટન ૪૭ વર્ષબાદ યુરોપિયન યુનિયનમાંથી અલગ થવાના કરારને ઇયુ સંસદે મંજૂરી આપી.
ઓમાનના સુલતાન કાબુસ બિન સૈદનું, ક્રિકેટના ચાહક ઇંગ્લેન્ડ નિવાસી ચારૂલતા પટેલનું, વિશ્વના સૌથી નાની કદના નેપાળના ખગેન્દ્ર થાપાનું, બગદાદના જનરલ સુલેમાનીનું અવસાન થયું હતું.
કેનેડામાં બોમ્બ સાઇકલોને વિનાશ વેર્યો, ૩૦ ઇંચ હિમવર્ષા, ૨૧ વર્ષનો રેકોર્ડ તોડયો. એરલાઇન્સ અને લેબ્રાડોરમાં ચોતરફ વિનાશ વેર્યો. સ્પેનમાં ગ્લોરિયા વાવાઝોડાને લિધે હિમવર્ષા, વરસાદ ૫૦ફૂટ ઊંચા મોજા ઉછળ્યા. બ્રિટનમાં બ્રેન્ડન વાવાઝોડું ફૂંકાતું. અમેરિકામાં બરફનું તોફાન, પૂરના લીધે અનેક રાજ્યોના હાઈવે બંધ, દુબઈમાં એરપોર્ટ દરિયો બન્યું. પાકિસ્તાનમાં પણ ભારે હિમવર્ષા. ઓસ્ટ્રેલિયામાં આગના અગન જ્વાળાએ અર્થતંત્રને ૩૧૦૦૦ કરોડનું નુકશાન કરાવ્યું. વિમાનથી કેમિકલ્સનો છંટકાવ કરી દુર્લભ વૃક્ષો બચાવ્યા. આગ પછી વિનાશક ધૂળની આંધી આવી. કરાવૃષ્ટિએ કેર વર્તાવ્યો. ઇન્ડોનેશિયામાં છેલ્લા છ વર્ષનું સૌથી મોટું પૂર આવ્યું.
બગદાદ એરપોર્ટ પર અમેરિકાની એરસ્ટ્રાઇક, ઇરાનનો ટોપ કમાન્ડર ઠાર મરાયો. જનરલ સુલેમાનીના જનાજામાં ઇરાકી વડાપ્રધાન અબ્દેલ મહેંદી સહિત લાખો લોકો સામેલ થયા. બગદાદમાં અમેરિકી દૂતાવાસ અને એરબેઝ પાસે રોકેટ હુમલા સુલેમાનના મોત પછી મધ્યપૂર્વમાં તણાવપૂર્ણ સ્થિતિ. ઇરાને, ઇરાકમાં યુએસ આર્મી પર ૨૨ મિસાઇલ છોડી. ૮૦ના મોત થયા. ટ્રમ્પે કહ્યું ઇરાન પરમાણુ દેશ નહી બની શકે. ઇરાને ૪૦ વર્ષમા પહેલીવાર અમેરિકા પર સીધો હુમલો કર્યો.
ફેબ્રુઆરી
અમેરિકાના રાષ્ટ્રપ્રમુખ ડોનાલ્ડ ટ્રમ્પ ૪૭ દિવસ પછી 'મહાભિયોગ'ના આરોપથી મુક્ત થયા. ટ્રમ્પે સંરક્ષણ માટે ૫૨ લાખ કરોડ, નાસાને ૧.૭૮ લાખ કરોડ ફાળવ્યા. ટ્રમ્પે સંસદના બન્ને સદનના સંયુક્ત સત્રને સંબોધિત કર્યું. આ વખતની થીમ 'ઇટ્સ ધ ગ્રેટ અમેરિકન કમ બેક' હતી. ટ્રમ્પે અમેરિકાના ૪૫મા રાષ્ટ્રપ્રમુખ બન્યા પછી ૨૪માં વિદેશ પ્રવાસ તરીકે પ્રથમવાર ભારતની મુલાકાત અમદાવાદના આંગણેથી લીધી. બ્રિટનમાં ૩૬ લાખ લોકોએ ઈેં થી અલગ થવાની ઉજવણી કરી. બ્રિટન ૪૭ વર્ષ સુધી જોડાયેલું રહ્યું. ચીને ફરી પાકિસ્તાનને બ્લેકલિસ્ટ થતું બચાવ્યું. જૂન મહિના સુધી ખ્ખ ના ગ્રે લિસ્ટમાં રહેશે. અમેરિકામાં લોસ એન્જલ્સ ખાતે 'વિવેકાનંદ યોગ યુનિવર્સિટી' પ્રથમવાર શરૂ કરાઈ. બ્રિટનમાં ડેનિસ વાવાઝોડાથી ભારે વરસાદ, નુકશાન, મિસિસિપિમાં ૩૭ વર્ષ બાદ પૂર આવ્યું. અમેરિકાના ટેકસાસ, ઇલિનોય, સહિત ચાર રાજ્યોમાં ૭ ઇંચ હિમવર્ષા ૮૪ વર્ષનો રેકોર્ડ તૂટયો. ઇરાકમાં ૧૦૦ વર્ષમાં બીજી વખત (૨૦૦૮) હિમવર્ષા થઈ. ૪ ઇંચ હિમવર્ષા થઈ. ઇન્ડોનેશિયામાં પૂર, ભૂસ્ખલન અને ભૂકંપ.
માર્ચ
૨રશિયાએ બંધારણમાંસુધારો કર્યો. રાષ્ટ્રપતિ પુટિન હવે ૨૦૩૬ સુધી રાષ્ટ્રપતિ તરીકે રહી શકશે. અને તાલિબાન વચ્ચે કતારમાં શાંતિની સમજૂતી થઈ. સમજૂતિ થયાના બીજા જ દિવસે તાલિબાને હુમલો કર્યો. ૨૫ સૈનિકોને મોતને ઘાટ ઉતાર્યા. મલેશિયામાં પૂર્વ ગૃહમંત્રી મોહિપુદ્દીન યાસીન વડાપ્રધાન બન્યા. યુક્રેનેના રાષ્ટ્રપતિ વ્લાદિમીર જેલેન્સ્કીએ ખરાબ દેખાવ અને ભ્રષ્ટાચારના આરોપના કારણે સંપૂર્ણ મંત્રીમંડળ બરતરફ કર્યું. મિત્રની બેન્કનું પણ રાષ્ટ્રીયકરણ કરી નાખ્યું. કોરોનાના કારણે ટોકિયો - ઓલિમ્પિક-૨૦ રમતોત્સવ રદ કરાયો. ફ્રાન્સમાં ૭૩મો ફ્રાન્સ, ફેસ્ટિવલ ૨૧ ચીલીમાં મોઘવારી વિરૂધ્ધ હિંસક દેખાવો થયા. સ્પેનમાં મહિલા અધિકારો માટે પર્પલ ડ્રેસકોડમાં મહિલાઓએ રેલી યોજી, પાકિસ્તાનમાં મહિલાઓએ 'મારું શરીર, મારી ઇચ્છા' સૂત્ર સાથે રેલી યોજી. ફ્રાન્સમાં મહિલાઓએ અમારી કુખ ભાડે આપવા માટે નથી એ સૂત્ર સાથે રેલી યોજી હતી. માઇક્રો સોફ્ટના સહસ્થાપક ૬૪ વર્ષના બિલગેટ્સએ કંપનીના બોર્ડ ઓફ ડિરેકટર્સમાંથી રાજીનામું આપ્યું.
એપ્રિલ
દક્ષિણ કોરિયાએ ચૂંટણી યોજી. ૧૬ વર્ષ બાદ ૬૨.૬૦% વોટિંગ થયું. ૨૦૦ દિવસ પછી પૃથ્વી પર ૩ એસ્ટ્રોનટ ઇન્ટરનેશનલ સ્પેસ સ્ટેશનના ૬૨માં અભિયાનથી પરત ફર્યા. ૫૦મો અર્થ-ડે ઉજવાયો. દુનિયાના પ્રથમ સ્પેસ યુનિફોર્મમાં સૌથી મોટો હત્યાકાંડ થયો.
ટોમ એન્ડ જેરી પાત્રોના સર્જક જિન ડાઇચનું ૯૫ વર્ષ અવસાન. કાર્ટુન ફિલ્મ મુનરો માટે ઓસ્કાર મળ્યો હતો.
કોરોનાને કારણે ઝૂમ એપની લોકપ્રિયતા વધી, ઝૂમના ફાઉન્ડર એરિક યુઆનની નેટવર્થ વધીને ૪૯૦૦૦ કરોડની થઇ ! એમેઝોનના સ્થાપક સી.ઈ.ઓ. જેફ બેઝોસની સંપત્તિ અને શેરમાં ઉછાળ આવ્યો. વોટ્સએપનું નવું ફિચર - 'ફોરવર્ડ મેસેજ' આવ્યું. ફેક ન્યુઝ વિરૂધ્ધ નવું અભિયાન થાઈલેન્ડે લોકડાઉનના કારણે મોબાઈલ ડેટા ફ્રી કર્યો. યુએસ ક્રુડ ઓઇલ તૂટી ૨૨ વર્ષના તળિયે ! ૩૭.૬૩ ડોલર પ્રતિ બેલર થયો. યુ ટયુબને ૧૫ વર્ષ થયા. પ્રથમ વીડિયો ૧૮ સેકન્ડનો 'મી એટ ધ ઝૂ' હતો.
મે
અમેરિકામાં અશ્વેત જ્યોર્જ ફ્લોઇડનું પોલિસ અધિકારીના કસ્ટડીમા મોત થતાં તેના વિરોધમા હિંસક દેખાવો થયા. ચીને સંરક્ષણ બજેટ ૬.૬% વધાર્યું. આ વર્ષે માત્ર સંરક્ષણ પાછળ જ ૧૩.૬૧ લાખ કરોડ ખર્ચ કર્યો. જર્મની-સ્વિત્ઝર્લેન્ડમાં પહેલીવાર સંસદની બહાર બેઠક યોજાય. ચીને માઉન્ટ એવરેસ્ટની ઊંચાઈ ૮,૮૪૮.૧૩ મીટરના બદલે ૪ મીટર ઓછી આંકતા નવી ઉંચાઈ ૮,૮૪૪.૧૩ મીટર જાહેર કરી.વર્લ્ડ રેકોર્ડ કર્યો.
જૂન
અશ્વેત મૃત્યુ પામનાર જ્યોર્જ ફ્લોઈડની પત્ની રોક્સી અને છ વર્ષની પુત્રી જિવાનાએ દેખાવ કરનારાઓને હિંસા બંધ કરવા અપીલ કરી. અમેરિકન પોલિસ અધિકારીઓ અને શ્વેતોએ અશ્વેતોના પગ ધોઈને સંદેશો આપ્યો કે ''માનવતાથી મોટો કોઈ ધર્મ નથી''. દુનિયાના અન્ય દેશોમાં પણ શ્વેત-અશ્વેત વચ્ચેની લડાઈ-હિંસા ભડકી ઊઠી. અમેરિકા સહિત અનેક દેશોમાં સ્ટેચ્યુ-બ્રેક કરવાની પ્રવૃત્તિ વધી. ફ્રાન્સ અને બ્રિટનમાં પણ સ્ટેચ્યુ તોડવામાં આવ્યા. નેપાળે નવા નકશામાં ભારતનો વિસ્તાર પોતાનો ગણાવીને નવા નકશાને મંજૂરી આપતો બંધારણીય સુધારા માટેનો ખરડો પસાર કર્યો. ચીને પણ ભારતીય સરહદે હુમલાઓ કર્યા. એચ-૧-બી સહિતના વિઝા પર ટ્રમ્પે પ્રતિબંધ મૂક્યો.
કેલિફોર્નિયામાં આગથી નવ હજાર જંગલ ખાક. ફ્રાન્સમાં બે મહિનાનો વરસાદ એક જ દિવસમાં ખાબકતા સર્વત્ર જળબંબાકાર.
જુલાઈ
જુલાઈ માસમાં માનવ જગત માટે સારા સમાચાર મળ્યા કે બ્રિટનની વિશ્વવિખ્યાત ઓક્ષ્ફર્ડ યુનિવર્સિટી દ્વારા કોરોના વાઈરસની વેક્સિન શોધવામાં સફળતા મળી. પ્રથમ-બે તબક્કામાં સફળ રહી. મંગળ મિશન માટે યુ.એ.ઈ., ચીન અને અમેરિકાએ 'હોપ', 'તિથાનવેન' અને 'પરસેવન્સ' મોકલ્યા. જાપાનમાં ભયાનક પૂર, ભૂસ્ખલન, મ્યાનમારમાં મૂશળધાર વરસાદ, રત્નની ખાણમાં ભૂસ્ખલનથી ૧૧૩ના મોત, નેપાળમાં પૂર, ઈન્ડોનેશિયામાં પૂર, દ.કોરિયામાં પણ પૂર. સાઈબેરિયાના જંગલોમાં, કેલિફોર્નિયાના લેક્ષન સેન્ટરમાં આગ ફેલાઈ.
જાપાનના રિયાલિટી ટી.વી. શૉ 'ટેરેસ હાઉસ'માં ભાગ લેનારી મહિલા પહેલવાન હાના કિમુરાએ આત્મહત્યા કરી.
ઓગષ્ટ
જાપાનના ૬૫ વર્ષના વડાપ્રધાન શિન્જો આબે એ સ્વાસ્થ્ય સંબંધિત કારણોસર રાજીનામું આપ્યું. ન્યૂઝીલેન્ડની મસ્જિદો પર હુમલામાં ૫૧ લોકોની હત્યા કરનાર આતંકી બ્રેન્ટન ટેરેન્ટને જન્મટીપની સજા ફરમાવી. બૈરૂતના બંદર વિસ્તારમાં બોમ્બ વિસ્ફોટથી ૧૩૫થી વધુના મોત થયા. ૫૦૦૦થી વધુને ઈજા થઈ, ૩૫૦૦૦ કરોડનું નુકસાન, બે સપ્તાહ ઈમરજન્સી જાહેર કરાઈ. પાકિસ્તાને ૨૭ વર્ષ પછી આતંકવાદીઓના લિસ્ટમાં દાઉદ ઈબ્રાહિમનું નામ મૂક્યું. કરાચીના વ્હાઈટ હાઉસમાં રહે છે. વિશ્વમાં બદનામીથી બચવા માટે ૮૮ આતંકીઓ પર પ્રતિબંધ લગાવ્યો. અમેરિકી પ્રમુખ ડોનાલ્ડ ટ્રમ્પની મધ્યસ્થીથી ઈઝરાયલ અને યુ.એ.ઈ. વચ્ચે શાંતિ કરાર થયા. ટ્રમ્પે એચ-૧બી વિઝાધારકના પ્રતિબંધમાં રાહત આપીને તેને નોકરી પર પરત રાખી શકાશે.
સપ્ટેમ્બર
આ માસ દરમ્યાન કેલિફોર્નિયામાં તાપમાનનો ૪૧ વર્ષનો રેકોર્ડ તૂટયો. ગરમી ૪૭ ડિગ્રીને પાર ઠેર ઠેર આગ લાગી. પર્યાવરણ બચાવવા ઠેર ઠેર આંદોલનો ટોપલેસ દેખાવો થયા. પ્રથમ વખત 'ઇન્ટરનેશનલ ક્લીન એર ડે ફોર બ્લ્યુ સ્કાય' ઉજવાયો. દુનિયાની ૯૨ ટકા વસતી પ્રદૂષિત હવામાં શ્વાસ લે છે ? યુએનની ૭૫મી વર્ષગાંઠ ઉજવાય. ૧૦૦થી વધુ દેશોના પ્રતિનિધિઓએ ભાષણ આપ્યું. બહેરિન-ઇઝરાયેલ વચ્ચે શાંતિ કરાર થયા તો પેલેસ્ટાઇનમાં વિરોધ થયો. આર્મેનિયા અને અઝર બૈઝાન વચ્ચે યુધ્ધ શરૂ થયું. ઓસ્ટ્રેલિયન યુનિવર્સિટીના વિજ્ઞાાનીઓએ વિશ્વની પ્રથમ બાયોનિક આંખ બનાવી. જર્મનીમાં અત્યંત પ્રભાવશાળી એન્ટીબોડી શોધવા મોસ્કો ખાતે વિદેશમંત્રી એસ. જયશંકર અને ચીનના વાંગ યી વચ્ચે તણાવ ઘટાડવા બેઠક યોજાય. પાંચ મુદ્દે સંમતિ સધાઈ. સાઉદી અરબમાં દુનિયાની સૌથી મોટી 'કેમલ હોસ્પિટલ' શરૂ થઈ.
માઇક્રોસોફ્ટના સ્થાપક બિલ ગેટ્સના પિતા અને વિખ્યાત વકિલ વિલિયમ્સ હેન્રી ગેટ્સનું, ભૂતપૂર્વ ઓસ્ટ્રેલિયન ક્રિકેટર ડીન જોન્સનું અવસાન
ઓકટોબર
ઓક્ટોબર મહિના એ... અમેરિકામાં રાષ્ટ્રપતિની ચુંટણી માટે કેન્વાસીંગ અને વોટીંગ, નોબેલ પારિતોષિકની જાહેરાત, ફ્રાન્સમાં વરસાદ, કોરોનાનો પુન: ઉપદ્રવ પુન: લોકડાઉન, પયંગમ્બર સાહેબનું કાર્ટુન, શિક્ષકની હત્યા અને તેના પગલે ફ્રાન્સના રાષ્ટ્રપતિ મેંકોએ ઉઠાવેલા કડક પગલાઓ. મુસ્લિમ બહુમતી ધરાવતા દેશોએ કરેલો ફ્રાન્સની ઉત્પાદનોનો બહિષ્કાર. લિબિયામાં નવ વર્ષ ચાલેલી હિંસા બાદ સૈન્ય અને વિદ્રોહી વચ્ચે શસ્ત્રવિરામ સંધિ. ૬૦ વર્ષમાં પ્રથમ વાર તિબેટના પ્રમુખ સાથે અમેરિકાની બેઠક યોજાય. ન્યૂઝીલેન્ડમાં જેસિન્ડા આર્ડન સતત બીજી વખત વડાપ્રધાન તરીકે ચૂંટાઈ આવ્યા. થાઈલેન્ડમાં રાજસત્તા વિરૂધ્ધ પ્રજાનો આક્રોશ ઉત્તર કોરિયામાં સરમુખત્યાર શાહીનો ૭૫મો સ્થાપના દિવસ ઉજવાયો. ચીને દેશની સ્થાપનાની ૭૧મી વર્ષગાંઠ ઉજવી. કિર્ગીસ્તાનમાં ચૂંટણી રદ, રાષ્ટ્રપતિએ કટોકટી જાહેર કરી. પોલેન્ડમાં ગર્ભપાત કરાવવો ગેરકાયદે સંપૂર્ણ પ્રતિબંધ લદાયો. નેધરલેન્ડમાં ડચ સરકારે અસાધ્ય રોગથી પીડાતા બાળકોના જીવનનો અંત ડોક્ટર લાવી શકશે તેવો કાયદો બનાવ્યો. ચીલીમાં ૪૦ વર્ષ પહેલાં રચાયેલા બંધારણમાં ફેરફાર કરશે. તૂર્કીમાં સાતની તીવ્રતા ધરાવતો ભૂકંપ આવ્યો. કોલારાડોમાં ભીષણ આગ લાગી. કોરોના મૃત્યુઆંક ૧૧,૯૭,૫૦૭ થયો.
નોબેલ પારિતોષિકના ૧૨૦ વર્ષના ઇતિહાસમાં પ્રથમવાર શાંતિ પુરસ્કાર વર્લ્ડ ફૂડ પ્રોગ્રામને મળ્યો. ૮૮ દેશના ૯.૭ કરોડ લોકો સુધી મદદ પહોંચાડી. કેમેસ્ટ્રીમા નોબેલ પારિતોષિક ઇતિહાસમાં પ્રથમવાર બે મહિલાઓ ઇમેન્યુઅલ શાર્ટ પેનિઅર (ફ્રાન્સ) અને જેનિફર દુદના (અમેરિકા)ને મળ્યો. મેડિકલમાં ઓલ્ટર, હ્યુટન (અમેરિકા), રાઇસ (બ્રિટન)ને અને ફિઝીક્સમાં રેઇન હાર્ડ ગેંગેઝલ (જર્મની), એન્ફ્રિયાગેઝ (અમેરિકા), અને મહિલા રોઝર પેન રોઝને મળ્યું.
અમરેકિાના ૩૯ વર્ષના ઇતિહાસમાં પ્રથમવાર અમેરિકી પ્રમુખ ચૂંટણી પહેલા બિમાર થયા. રાષ્ટ્રપ્રમુખ ટ્રમ્પ અને પત્ની મેલેનિયાને કોરોના થયો. પોઝીટીવ આવ્યા. એચ-૧-બી વિઝાના નિયમો વધુ કડક બનાવા ચૂંટણી ખર્ચ ૫૪૦૦૦ કરોડને પાર થયો. ઇતિહાસની સૌથી મોંઘી ચૂંટણી બની.
ફ્રાન્સમાં પયંંંગમ્બર સાહેબનું કાર્ટુન બનાવવા બદલ ઇતિહાસના શિક્ષક સેમ્યુઅલ પેસનુ ગળુ કાપીને હત્યા કરાઈ. દેશભરમાં આ ઘટના સામે રોષ ભભૂકી ઉઠયો. ફરી આતંક ભભૂકી ઉઠયો. ચર્ચમાં ત્રણની હત્યા કરાઈ. કાન્સ ફિલ્મ ફેસ્ટિવલના ૭૩ વર્ષના ઇતિહાસમાં પ્રથમવાર બ્લેક કાર્પેટ બિછાવીને કટ્ટરપંથીઓના હુમલાનો વિરોધ પ્રદર્શિત કરાયો હતો.
યુરોપના દેશો ફ્રાન્સ, જર્મની, બ્રિટનમાં ફરી કોરોનાએ માથુ ઉંચકતા પુન: લોકડાઉન જાહેર કરાયું. શાળાઓ બંધ કરાઈ.
પાકિસ્તાનમાં નવાઝની પુત્રી સહિત ૨૦૦ પર કેસ કરાયા. વિપક્ષે જિન્નાહનું અપમાન કર્યાનો ઇમરાન સરકારનો આરોપ. પાકિસ્તાનમાં ઇમરાન વિરૂધ્ધ રેલી-૪૫૦ની ધરપકડ કરાઈ. પાકિસ્તાનમાં જમિયત ઉલેમાએ ઇસ્લામના પ્રમુખ મૌલાના ફઝલુર રહેમાન વિપક્ષના નવા મોરચાના પ્રથમ અધ્યક્ષ બન્યા.
બ્રાઝીલમાં ભયંકર ગરમી, ફ્રાન્સમાં ભારે વરસાદ, રેકોર્ડ બ્રેક વરસાદ, અમેરિકામાં ડેલ્ટા વાવાઝોડું. વિયેટનામમાં લિમ્ફા વાવાઝોડું. કેલિફોર્નિયામાં ભયંકર આગ. લ્યુસિયાનામાં જેટી વાવાઝોડું.
નવેમ્બર
નવેમ્બર મહિનો એ અમેરિકાના રાષ્ટ્રપતિ પદ માટેની ચૂંટણી અને પરિણામનો, ફ્રાન્સ અને મુસ્લિમ દેશો વચ્ચે સંઘર્ષનો, ઈઝરાયેલ-ઈરાન વચ્ચે કોલ્ડવોર, ઈરાનના અગ્રણી પરમાણુ વિજ્ઞાાની મોહસીન ફખરીજાદની હત્યા, કોરોનાનો બીજો વેવ શરૂ થયો, યુરોપ-અમેરિકાના ઘણા શહેરો-સ્થળો પુન: લોકડાઉન તરફ, આ માસ દરમ્યાન વિશ્વના ૩ લાખ લોકો કોરોના કારણે મર્યા, તૂર્કીમાં ભૂકંપ, અન્યત્ર વાવાઝોડું, રશિયામાં ઐતિહાસિક બરફ વર્ષા રહી.
અમેરિકામાં ૪૬માં રાષ્ટ્રપતિ માટે રિપબ્લિક પાર્ટીના સત્તાધિન ડોનાલ્ડ ટ્રમ્પ અને ડેમોક્રેટિક પાર્ટીના ૭૭ વર્ષના જો બાઈડેન વચ્ચે ચૂંટણી જંગ યોજાયો હતો. બાઈડેનએ ૩૦૬ અને ટ્રમ્પે ૨૩૨ બેઠકો જીતી. ૨૮ વર્ષ બાદ ચાલુ રાષ્ટ્રપતિ ટ્રમ્પ બીજી ટર્મ માટે ચૂંટાયા નહીં. ડેમોક્રેટિક પાર્ટીના જો બાઈડેને ૩૦૬ ઈલેકટ્રોલ વોટ (૫૧.૧ ટકા વોટ - ૮૦૨, ૩૮, ૯૫૨ વોટ) અને રિપબ્લિકન પાર્ટીના ડોનાલ્ડ ટ્રમ્પે ૨૩૨ ઈલેક્ટ્રોલ વોટ (૪૭.૧ ટકા વોટ - ૭૩૯, ૬૫, ૧૭૬ વોટ) મળ્યા. કમલા હેરિસ પ્રથમ એશિયન-અમેરિકન મહિલા ઉપરાષ્ટ્રપતિ બનશે. બાઈડેને કોમ્યુનિકેશન યાને પ્રેસટોનમાં ફક્ત મહિલાઓની જ નિમણુંક કરી. આવું કરનાર બાઈડેન પ્રથમ રાષ્ટ્રપતિ છે. મ્યાંનમારમાં આંગ સાન સુકીની 'નેશનલ લીગ ફોર ડેમોક્રેસી' પાર્ટીએ ૩૪૬ બેઠકો, કુલ ૪૧૨માંથી જીતીને સત્તા પર આવી. ફ્રાન્સમાં વધુ એક હુમલો થયો. ચર્ચ બહાર પાદરીને ગોળી મારવામાં આવી. ફ્રાન્સની પ્રોડકટસનો ઈસ્લામિક દેશોએ બહિષ્કાર કરવાની ધમકી આપી પ. આફ્રિકન દેશ આઈવરી કોચમાં પ્રમુખ અલસાને ઓઆટારાએ ત્રીજી વખત ચૂંટણી જીતી. યુએઈ સાથે ઐતિહાસિક સમજૂતિ થયા બાદ ૨૬ વર્ષમાં પહેલીવાર ઈઝરાયલનું વિમાન દુબઈ પહોંચ્યું. 'અબ્રાહમ સમજૂતિ' થઈ હતી. બ્રિટને દ્વિતિય વિશ્વયુદ્ધની ૭૫મી વર્ષગાંઠ ઉજવી. ઈઝરાયલે ઈરાનમાં ઘુસીને અલકાયદાના આતંકીને ઠાર માર્યો. (અબુ મોહમ્મદે ૧૯૯૮માં અમેરિકન દૂતવાસો પર હુમલા કર્યા હતા) ૨૨ વર્ષ પછી બદલો લેવાયો. કાબુલ યુનિવર્સિટીમાં આતંકી હુમલો ૨૫ના મોત થયા. તૂર્કી ભૂકંપમાં ૧૫૦થી વધુ મર્યા.
જેમ્સબોન્ડના પાત્રથી વિખ્યાત અભિનેતા શોન કોનેરી, સ્પેનમાં જન્મેલ અને કર્મે ગુજરાતી એવા ફાધર વાલેસ સર્બિયાના રૂઢીવાદી ચર્ચના પ્રમુખ પેટ્રિયાક ઈરિનેજનું અવસાન થયું હતું.
૭૭ વર્ષના જો બાઈડેનના ૬૯ વર્ષના પત્ની જીલ બાઈડેન અમેરિકાના ફર્સ્ટ લેડી બનશે. તેમની પાસે ચાર ડિગ્રી છે. પ્રોફેસર છે અને એ કામ ચાલુ રાખશે. જીલ બાઈડેનના પોલિસ ડિરેક્ટર તરીકે ભારતીય મૂળની માલા અહિંગાની નિમણુંક. એવરિલ હેન્સ જાસુસ વિભાગ સંભાળનાર પ્રથમ મહિલા બનશે. ભારતીય મૂળની જેનીફર રાજકુમાર ન્યુયોર્ક સ્ટેટ એસેમ્બલીમાં ચૂંટાનાર પ્રથમ ભારતીય મહિલા બની.
ઓસ્કાર એવોર્ડ માટે તેના ઈતિહાસમાં પ્રથમવાર થિયેટરમાં રિલિઝ માટે શરતી છૂટ અપાઈ ઓટીટી પ્લેટફોર્મ પર આવેલી ફિલ્મ પણ નામાંકિત થઈ શકશે. થાઈલેન્ડમાં રાજાશાહી અને સરકાર સામે ઉગ્ર દેખાવો થયા. ગ્વાટેમાલામાં શિક્ષણ - સ્વાસ્થ બજેટમાં કાપ અને સાંસદોના ભોજન બજેટ વધારાતા લોકોએ સંસદ ભવનને આગ ચાંપી. વેટિકનમાં પોપ ફ્રાન્સિસે ૧૩ નવા કાર્ડિનલની નિયુક્તિ કરી છે જેમાં પહેલીવાર આફ્રિકન-અમેરિકી કાર્ડિનલ બનાવવામાં આવ્યા છે. કોરોનાથી અમેરિકામાં અઢી લાખ લોકો મૃત્યુ પામ્યા. છ કરોડથી વધુ લોકો વિશ્વમાં સંક્રમિત થયા.
ડિસેમ્બર
વિશ્વમાં સૌ પ્રથમ કોરોના રસીની મંજૂરી અને અમલીકરણનું ઐતિહાસિક પગલું બ્રિટને ભર્યું. બ્રિટને આઠમી ડિસેમ્બરે એક સપ્તાહ પછી ૯૧ વર્ષના થનાર માર્ગારેટ કિનને સૌ પ્રથમ કોરોનાની વેકસિન આપી. આ પછી ૧૪મી ડિસેમ્બરના રોજ અમેરિકામાં પણ સૌ પ્રથમ કોરોનાની વેકસિન એક અશ્વેત મહિલા નર્સ સેન્ડ્રા લિંડસેને આપી. વિશ્વખ્યાત 'ટાઈમ' મેગેઝીને વિદાય થતાં ૨૦૨૦ના વર્ષને કવરપેજ પર લાલ ચોકડી મારીને લખ્યું કે 'ધ વર્સ્ટ યર એવર' ચેલ્લા ૧૦૦ વર્ષમાં પંચમી વખત કવરપેજ લાલ ચોકડી મારીને પ્રસિધ્ધ કરાયું. પર્સન ઓફ ધ યર તરીકે અમેરિકામાં નવા ચૂંટાયેલા રાષ્ટ્ર પ્રમુખ જોબાઇડેન અને કમલા હેરિસની પસંદગી 'ચેઇન્જિંગ અમેરિકા'ના ટેગ લાઈન સાથે કરી. બિઝનેસ પર્સન ઓફ ધ યર તરીકે ઝૂમ એપના સીઈઓ-એરિક યુઆનની, એન્ટર ટેઇન ઓફ ધ યર તરીકે 'કોરિયન બેન્ડ બીટીએસ અને કિડ ઑફ ધ યર તરીકે ભારતીય મૂળની ૧૫ વર્ષની વિજ્ઞાાની ગીતાંજલી રાવની પપસંદગી કરવામાં આવી. ઇરાનના સંસદે પરમાણુ નિરીક્ષણ પર રોક લગાવી. ઇરાનના વિ૫ાનીની હત્યા રિમોટ કન્ટ્રોલ મશીનગનથી કરાઈ. ફ્રાન્સમાં સુરક્ષા બિલ પાછું ખેંચવાની માંગણી સાથે દેખાવો થયા. ડેન્માર્કના ફેરી ટાપુ પર વિશ્વની પ્રથમ અન્ડર સી રાઉન્ડ અબાઉટ ટનલ તૈયાર થઈ. અમેરિકામાં વિશ્વનું સૌથી મોટું ફુલ્લી ઓટોનોમસ સેટેલાઇટ રોકેટ લોન્ચર ડ્રોન વિકસાવ્યું. અમેરિકામાં ટ્રમ્પનો એચ-૧બી વિઝા કાયદો કોર્ટ રદ કર્યો.
વિશ્વમાં કુલ ૧૬,૩૧,૪૨૭ કોરોનાથી મૃત્યુ પામ્યા. જ્યારે ૭.૩૩ કરોડ સંક્રમિત થયા. (૧૫-૧૨-૨૦૨૦)
૨૦૨૦ના વર્ષમાં હાહાકાર મચાવનાર અને માનવ જગતના ઇતિહાસમાં આ વર્ષને 'ધ વર્સ્ટ યર એવર' કહેવા મજબુર કરનાર કોરોના વાઇરસે ૧૭ નવેમ્બર ૨૦૧૯ની તેની જાળ બિછાવવી શરૂ કરી હતી. તે છેક... ૨જી ડિસેમ્બર ૨૦૨૦ સુધી એટલે કે ૩૮૧ દિવસ સુધી માનવ જાત આ મહામારી ચેપી રોગ સામે જીવ સટોસટનો ખેલ ખેલતી રહી ! આખરે અમેરિકાની ફાઈઝર અને જર્મનની બાયોએનટેક એ મળીને કોરોનાના પ્રકોપ સામે વેક્સિન વિકસાવી અને તમામ પ્રકારની ટ્રાયલમાં સફળતા મેળવ્યા પછી સૌ પ્રથમ બ્રિટનમાં અને પછી અમેરિકામાં આપવામાં આવી. બ્રિટનમાં ૨૨૪ વર્ષ પછી કોઈ મહામારીની પ્રથમ વેક્સિન મુકાવાનો રેકોર્ડ કર્યો ! બ્રિટને ૧૭૯૬માં સ્મોલ પોક્ષની સૌ પ્રથમ વેક્સિન મુકાવી હતી. નવા ચૂંટાયેલા રાષ્ટ્રપ્રમુખ જો બાઈડેને તેમના કોમ્યુનિકેશન યાને પ્રેસ ટીમમાં ફક્ત મહિલાઓની જ નિમણુક કરી આવી રીતે મહિલાઓને પ્રાધાન્ય આપનારા પ્રથમ રાષ્ટ્રપ્રમુખ બન્યા. બાઈડેન શપથ લે એ પહેલાં કુતરા સાથે મસ્તી કરતા લપસી પડયા તો પગ તૂટયો. જમણા પગે ફ્રેકચર થયું. અમેરિકામાં કોરોનાની ત્રીજી લહેર આવતા પુન: હોસ્પિટલો ભરાવા લાગી. બેડ ખૂટયાં. તૂર્કીમાં પણ કેસ વધ્યા. ઇઝરાયેલ નેવીમાં સૌથી આધુનિક જહાજ યુધ્ધ જહાજ સાર-૬ સામેલ કર્યું. આર્ટિફિશિયલ ઇન્ટેલિજન્સ એઆઈ એથિક્સ અંગે રિસર્ચ માટે વિખ્યાત તિમનિત ગેબરુને ગૂગલે નૈતિકતાની તરફેણ કરતા પાણીચું પકડાવ્યું.
(૧૫-૧૨-૨૦૨૦ સુધી)
from Magazines News - Gujarat Samachar : World's Leading Gujarati Newspaper https://ift.tt/3nRLREU
ConversionConversion EmoticonEmoticon