(પ્રતિનિધિ દ્વારા) મુંબઇ,તા.28 ઓકટોબર 2020, બુધવાર
અહમદ ખાન એક એકશન ફિલ્મ બનાવી રહ્યા છે. ઓમ ફિલ્મ નામની આ એકશન ફિલ્મમાં આદિત્ય રોય કપૂર મુખ્ય પાત્રમાં જોવા મળવાનો છે. હવે તાજા રિપોર્ટસની માનીએ તો, આદિત્ય સાથે આ ફિલ્મમાં સંજના સાંધીને લેવામાં આવવાની છે. સંજનાએ સુશાંત સિંહ રાજપૂત સાથે દિલ બેચારા ફિલ્મમાં કામ કર્યું છે.
સોશિયલ મીડિયાના એક પોર્ટલના અનુસાર, અહમદ ખાન એક એવી યુવાન અભિનેત્રીની શોધમાં હતા જે આદિત્ય સાથે સારી જોડી બનાવી શકે, તેમજ ફ્રેશ જોડી હોય. તેમણે આ ફિલ્મ માટે ઘણી અભિનેત્રીઓના વિચાર કર્યા અને સંપર્ક પણ કર્યો. પરંતુ અંતમાં તેમણે સંજના સાંધીને પસંદ કરી છે. જે આદિત્યની લવરની ભૂમિકામાં જોવા મળશે, તેમજ ફિલ્મમાં બન્નેના એકશન દ્રશ્યો પણ હશે.
આદિત્યની મલંગ ફિલ્મથી અહમદ ખાન પ્રભાવિત થયો છે. તેમજ સંજનાની દિલ બેચારા ફિલ્મ પણ તેને પસંદ પડી હતી.
from Entertainment News - Gujarat Samachar : World's Leading Gujarati Newspaper https://ift.tt/31U8f7s
ConversionConversion EmoticonEmoticon