ગાયિકા અડેલ મોડી રાતના સ્ટેન્ડ-અપ શો સેટેર્ડે નાઇટ લાઇવના સંચાલનથી આ ક્ષેત્રમાં પદાર્પણ કરશે. અડેલનો સાથ નિભાવશે ગાયક તેમજ ગીતકાર એચ.ઇ.આર. જે આ એપિસોડમાં મહેમાન સંગીતકાર તરીકે દેખા દેશે.
૩૨ વર્ષીય ઓસ્કાર વિજેતા ગાયિકા અડેલ આ બાબતને ખૂબ જ ઉત્સાહીત થઇ હતી અને તેણે પોતાની ઉત્તેજના ઇન્સ્ટાગ્રામ પર શેર કરી હતી.
અડેલે ઇન્સ્ટાગ્રામ પર જણાવ્યું કે હું પ્રથમ જ વાર સંચાલન કરી રહી છું અને તે પણ સેટર્ડે નાઇટ લાઇ માટે. હું આ બાબતને ખૂબ જ ઉત્સાહીત છું. હું હંમેશા ઇચ્છતી હતી કે આવો કોઇ સ્ટેન્ડ અલોન શો કરું જેમાં હું ચાહે તેમ કરી શકું. એના માટે આનાથી શ્રેષ્ઠ કોઇ કાર્યક્રમ હોઇ શકે. આપણામાંથી કોઇપણ જો આંખ મીચીને ઝંપલાવવા ઇચ્છે અને એનું પરિણામ ઉત્તમ જ આવે એવું ઇચ્છતા હોઇએ તો ૨૦૨૦માં વધુ શ્રેષ્ઠ સમય કયો હોઇ શકે એમ લખીને અડેલે સંચાલક તરીકેની જાહેરાત, પોતાની તસવીર અને કાર્યક્રમની તારીખ તેમજ સંગીતકાર મહેમાનની માહિતી શેર કરી હતી.
અડેલે જણાવ્યું કે છેલ્લે ૧૨ વર્ષ અગાઉ ચૂંટણી ટાણે શો પર દેખા દીધી હતી જ્યારે અમેરિકામાં તેની કારકિર્દી પડી ભાંગી હતી. હવે ફરી ઓફર મળતા તે ઇન્કાર ન કરી શકી. તેને એવો અહેસાસ થયો કે જાણે વિતેલો સમય પાછો આવ્યો છે.
અન્ય ગાયક સ્ટાર જેમણે આ શોનું સંચાલન કર્યું હતું તેમાં ડ્રેક, જેનિફર લોપેઝ અને હેરી સ્ટાઇલ્સના નામ છે. હવે એમાં અડેલનું નામ પણ જોડાતા અડેલના ઉત્સાહનો પાર નથી.
from Magazines News - Gujarat Samachar : World's Leading Gujarati Newspaper https://ift.tt/2HQDkSj
ConversionConversion EmoticonEmoticon