નડિયાદ, તા.18 મે 2020, સોમવાર
ખેડા જિલ્લામાં બે અલગ અલગ જગ્યાઓ પર અકસ્માતો સર્જાયા હતા.જેમાં અકસ્માતનો પહેલો બનાવ છીપડી પાસે આવેલ એક હોટલ પાસે,જ્યારે બીજો ગમખ્વાર અકસ્માત લાલીના વઢી નજીક રોડ ઉપર થયો હતો.બંને અકસ્માતોમાં એક વ્યક્તિનુ મૃત્યુ નિપજ્યું છે, જ્યારે બે વ્યક્તિઓને ઇજાઓ પહોચી હતી. આ બંને બનાવો અંગે સ્થાનિક પોલીસ મથકોએ ફરિયાદ નોંધાઇ છે.
અકસ્માતનો પહેલો બનાવ કઠલાલ તાલુકાના છીપડી પાસે આવેલ એક હોટલ પાસે થયો હતો.જેમાં પંચમહાલ જિલ્લાના મોરવાહડફ ખાતે રહેતા નરેન્દ્રસિંહની આઇશર ગાડીના ચાલક વિજયસિંહ અને ક્લિનર નિલેશકુમાર ગાડીનુ ટાયર બદલી ઉભા થતા હતા.આ સમયે એક બોલેરો ગાડી પુરઝડપે પસાર થતા ગાડીના ચાલકે વિજયસિંહ અને નિલેષભાઇને અડફેટમાં લીધા હતા.જેથી બંને વ્યક્તિઓને શરીરે ઇજાઓ પહોચી હતી.આ બનાવ અંગે નરેન્દ્રસિંહે કઠલાલ પોલીસ મથકે ગાડીના ચાલક વિરુધ્ધ ફરિયાદ નોંધાવી છે.
બીજો ગમખ્વાર અકસ્માત ખેડા તાલુકાના લાલીના વંઢી નજીક રોડ પર થયો હતો.જેમાં જયંતીભાઇના કુંટુબીકાકા રઇજીભાઇ ઠાકોર ટ્રોલી સાથેનુ ટ્રેકટર પુરઝડપે હંકારતા પલ્ટી ખાઇ ગયુ હતુ.ટ્રેકટર નીચે દબાઇ જવાથી ચાલક રઇજીભાઇ ઠાકોરનુ ઘટનાસ્થળે મૃત્યુ નિપજયુ હતુ.આ બનાવ અંગે જયંતીભાઇ મણીભાઇ ચાવડા રહે,ઉમીયાપુરા તા.ખેડાએ ખેડા પોલીસ મથકે રઇજીભાઇ ઠાકોર વિરુધ્ધ ફરિયાદ નોંધાવી છે.જ્યારે કઠલાલ અને ખેડા પોલીસે ગુનાઓ નોંધી આગળની કાર્યવાહી હાથ ધરી છે.
from Kheda anand News - Gujarat Samachar : World's Leading Gujarati Newspaper https://ift.tt/2XbBMGv
ConversionConversion EmoticonEmoticon