નડિયાદ, તા.15 ઓક્ટોમ્બર 2019, મંગળવાર
નડિયાદ શહેરના સરદાર ભવન સામે આવેલ એક પ્લાઝાની બહાર ઉભી રાખેલ ગાડીમાંથી ગઠીયો નજર ચુકવી પૈસાની ઉઠાંતરી કરી હતી.ગાડીમાં બેઠેલ મહિલાની નજર ચુકવી ગઠીયો ગાડીમાં રહેલ પૈસા લઇ છુમંતર થઇ ગયો હતો.
પ્રાપ્ત વિગતો અનુસાર નડિયાદ શહેરના સરદાર ભવન સામે આવેલ પ્લાઝા પાસે શબાનાબેન ગાડીમાં આવ્યા હતા.જ્યારે શબ્બીર પીરજાદા કોઇ કામ હોવાથી તેઓ પોતાની પ્લાઝામાં આવેલ ઓફિસમાં ગયા હતા.જ્યારે તેમના પત્ની શબાનાબેન ગાડીમાં બેઠા હતા.તે સમયે એક અજાણ્યો ગઠીયો ગાડી પાસે આવ્યો હતો અને શબ્બીર પીરજાદાના પત્ની શબાનાબેનને કહેલ કે તમારા પૈસા પડી ગયા છે.જેથી શબાનાબેન ગાડીમાંથી નીચે ઉતર્યો હતા.તે સમયે શબાનાબેનની નજર ચૂકવી અજાણ્યો ગઠીયો ગાડીમાં રહેલ રૂા.૧૫,૦૦૦ અને અગત્યના દસ્તાવેજો ભરેલ બેગ લઇને ફરાર થઇ ગયો હતો.
આ બનાવની જાણ નડિયાદ ટાઉન પોલીસને થતા ઘટના સ્થળે દોડી આવી હતી.અને નજીકમાં રહેલ તમામ સી.સી.ટી.વી ફુટેજ તપાસવાની કામગીરી આરંભી હતી.જો કે આ અંગે નડિયાદ ટાઉન પોલીસ મથકનો સંપર્ક સાધતા ફરજ પરના પી.એસ.ઓએ જણાવ્યુ હતુ કે હજી સુધી આવી કોઇ કાર્યવાહીની નોંધ ન થઇ હોવાનુ જણાવ્યુ હતુ.
from Kheda anand News - Gujarat Samachar : World's Leading Gujarati Newspaper https://ift.tt/2IUm3We
ConversionConversion EmoticonEmoticon