(પ્રતિનિધિ દ્વારા) મુંબઇ,તા. 10 ઓક્ટોમ્બર 2019, ગુરુવાર
બોલીવૂડના મહાનાયક તરીકે ઓળખાતા અમિતાભ બચ્ચનનો ૧૧ ઓકટોબરે ૭૭મો જન્મદિવસ છે. વધતી વયે પીઢ અભિનેતાને જન્મદિવસ નિમીત્તની કોઇ પાર્ટી કરવાનું મન નથી. તેમના પ્રમાણે આજે જન્મદિવસની ઊજવણીમાં સુકામેવાના સ્થાને કેક કટિંગ થઇ રહ્યું છે. તેમને આવી કોઇ પ્રકારની ઊજવણી નથી. પરંતુ તેમના એક ખાસ મિત્રે અમિતાભની રૂચિને ધ્યાનમાં રાખીને કોઇ પાર્ટી ન યોજતાં એક વીડિયો તૈયાર કરીને માન આપ્યું છે.
ફિલ્મ નિર્માતા આનંદ પંડિત અને અમિતાભ બચ્ચન વચ્ચે ખાસ મૈત્રી છે. નિર્માતાએ અમિતાભના ૭૭ના જન્મદિવસ રૂપે એક વિષેશ વીડિયો તૈયાર કર્યો છે. જેમાં તેમણે અમિતાભે ભજવેલા અને લોકપ્રિય થયેલા ૧૦૦ પાત્રોની તસવીરો મુકીને બનાવ્યો છે. વીડિયોના અંતમાં બિગ બીની આવનારી ફિલ્મ 'ચહેરે'ના પાત્રનું પિકચર્સ મુકવામાં આવ્યું છે. આ વીડિયોને દેશભરના થિયેટરોમાં ૬૦,૦૦૦ વખત ત્રણ દિવસ સુધી દર્શાવવામાં આવશે.આ રીતે ફિલ્મ નિર્મતા પોતાના ખાસ મિત્રને જન્મદિવસની યાદગાર ભેટ આપશે.
'' મારી અને તેમની ઓળખાણ થઇ અને દોસ્તી બંધાણી તે પહેલાથી જ હું બિગ બીનો ફેન હતો. મને તેમની એકટિંગ પ્રત્યે આદર છે. અમારી મુલાકાતો દરમિયાન મેં તેમનામાં રહેલા ગુણો અને ઊર્જાનો અનુભવ કર્યો. મારી નિર્માણ કંપની આનંદ પંડિત મોશન પિકચર્સને રૂપેરી પડદેના તેમના અભિનયને ફરી તાજા કરવાનો આ યોગ્ય દિવસ લાગ્યો,'' તેમ નિર્માતાએ જણાવ્યું હતું.
અમિતાભ બચ્ચનની આવનારી ફિલ્મ 'ચહેરે' થ્રિલર ફિલ્મ છે. જેમાં તેમની સાથે ઇમરાન હાશ્મી મુખ્ય રોલમાં જોવા મળશે.
from Entertainment News - Gujarat Samachar : World's Leading Gujarati Newspaper https://ift.tt/2B3H648
ConversionConversion EmoticonEmoticon