(પ્રતિનિધિ દ્વારા) મુંબઇ,તા. 10 ઓક્ટોમ્બર 2019, ગુરુવાર
ગયા વરસે સોનાલી બેન્દ્રે બ્રેસ્ટ કેન્સરનો ભોગ બની હતી.જેની સારવાર લેવા તે અમેરિકા ગઇ હતી. સાજી થઇને મુંબઇ આવ્યા બાદ સોનાલી બોલીવૂડમાં કમબેક કરવા તૈયાર થઇ ગઇ છે. અભિનેત્રીએ કેન્સર સામેના જંગને એક નવો અનુભવ ગણાવ્યો હતો.
એક ઇન્ટરવ્યુમાં સોનાલીએ કહ્યુ હતુ કે, '' મને બોલીવૂડમાંથી ઘણી ઓફરો મળી રહી છે. પરંતુ હવે રૂપિયા કરતા મનગમતી સ્ક્રિપ્ટ પર કામ કરવાની છું. જે ફિલ્મ કરવાથી મને આનંદ આવશે તે જ ફિલ્મ હું સ્વીકારીશ. હવે હું સારું મહેનતાણું જોઇને ફિલ્મો પસંદ કરવાની નથી. પોતાને અને દર્શકોને પસંદ પડે તેવી ફિલ્મ અને પાત્ર પસંદ કરશે.''
ટચૂકડા પડદે પણ સોનાલી રિયાલિટી શોની નિર્ણાયક હતી. તેને ફરીથી 'ઇન્ડિયાઝ બેસ્ટ ડ્રામેબાજ' શોનું નિર્ણાયક બનવું છે. તેમજ તે ટચૂકડા પડદાની સિરીયલમાં પણ કામ કરવા તૈયાર છે.જોકે હવે તેને 'સેડ સ્ટોરી' ઓએટલે કે ' કરુણ અને રડવાના પાત્રો' ભજવવા નથી.અંગત જીવનમાં બીમારીને કારણે તે ઘણું રડી છે, હવે તેને આનંદમાં રાખે તેવી જ ભૂમિકાઓ કરવી છે.
from Entertainment News - Gujarat Samachar : World's Leading Gujarati Newspaper https://ift.tt/2IHE5uy
ConversionConversion EmoticonEmoticon