Image Source: Twitter
મુંબઈ, તા. 02 જૂન 2023 શુક્રવાર
ઓટીટી પ્લેટફોર્મ નેટફ્લિક્સની સ્પેશિયલ ફેન ઈવેન્ટ 'ટુડમ' એક વાર ફરીથી યોજાવાની છે. છેલ્લા બે વર્ષોથી આ ઈવેન્ટ કોરોના મહામારીના કારણે વર્ચ્યુઅલી થઈ રહી હતી, પરંતુ હવે એકવાર ફરીથી હજારો ચાહકોની હાજરીમાં આ ખાસ ઈવેન્ટનું લાઈવ સ્ટ્રીમિંગ થવાનું છે.
બ્રાઝિલમાં યોજાનારી આ ખાસ ઈવેન્ટમાં આ વખતે આલિયા ભટ્ટ સહિત ઘણા ભારતીય સ્ટાર્સ હાજરી આપવાના છે. ખાસ વાત એ છે કે આ વખતે નેટફ્લિક્સની ટુડમ ઈવેન્ટમાં સામેલ થવાની તક શાહરુખ ખાનની પુત્રી સુહાના ખાન, શ્વેતા બચ્ચનના પુત્ર અગસ્ત્ય નંદા સહિત ધ આર્ચીસની સંપૂર્ણ સ્ટારકાસ્ટને મળી છે.
શ્વેતા બચ્ચને સોશિયલ મીડિયા પર શેર કરી ખુશી
સુહાના ખાન-અગસ્ત્ય નંદા અને ખુશી કપૂર સહિત ધ આર્ચીસની ટીમના બ્રાઝિલ કે સાઓ પાઉલોમાં થનારી આ ઈવેન્ટમાં સામેલ થવા પર શ્વેતા બચ્ચને પોતાની ખુશી વ્યક્ત કરી છે. તેમણે ટુડમ-2023 વિશે પોસ્ટ કરતા સુહાના ખાન, ખુશી કપૂર, અગસ્ત્ય નંદા સહિત આખી સ્ટાર કાસ્ટનું એક પોસ્ટર શેર કર્યુ છે. જેને શેર કરતા તેમણે લખ્યુ, શું તમે સાંભળ્યુ, આ આખી ગેંગ બ્રાઝિલ જઈ રહી છે. ખૂબ-ખૂબ શુભકામનાઓ અને કોઈક નોક કરો, કેમ કે હું તો મરી ગઈ.
બોલીવુડમાં પોતાના અભિનયથી સૌ નું દિલ જીતી ચૂકેલી આલિયા ભટ્ટ હાર્ટ ઓફ સ્ટોનની સ્ટારકાસ્ટ ગેલ ગેડોટ, જેમી ડોર્નનની સાથે આ મોટી ઈવેન્ટમાં ભાગ લેશે.
બે દિવસ સુધી બ્રાઝિલમાં TUDUM ઈવેન્ટ યોજાશે
ટુડમ ઈવેન્ટ નેટફ્લિક્સ પર આવતી કોઈ ફિલ્મ કે સિરીઝ પહેલા તેના વિશે એક ધ્વનિ પ્રેરિત કરે છે. ગ્લોબલ લેવલે થતી આ ઈવેન્ટ્સમાં આ સૌથી મોટી ઈવેન્ટમાં સામેલ છે. બે વર્ષ બાદ આ ઈવેન્ટને લઈને ઓટીટી પ્લેટફોર્મ નેટફ્લિક્સની તરફથી ખૂબ તૈયારીઓ કરવામાં આવી છે.
આ ઈવેન્ટની શરૂઆત 16 જૂન 2023એ બ્રાઝિલના સાઓ પાઉલોમાં થશે, બે દિવસ એટલે કે 18 જૂન સુધી આ ઈવેન્ટ ચાલશે. 17 એ ચાહકો માટે આની લાઈવ સ્ટ્રીમિંગ હશે, જ્યાં બે કલાક માટે આ ઈવેન્ટને યુટ્યૂબ પર પ્રસારિત કરવામાં આવશે, નેટફ્લિક્સ પર પ્રસારિત થતી તમામ સિરીઝ અને ફિલ્મોના ટ્રેલરને ચાહકો આ ઈવેન્ટમાં જોઈ શકશે. ઉલ્લેખનીય છે કે ધ આર્ચીસથી સુહાના ખાન, અગસ્ત્ય નંદા અને ખુશી કપૂર એક્ટિંગમાં પોતાનુ ડેબ્યૂ કરવા જઈ રહ્યા છે. જેનુ દિગ્દર્શનજોયા અખ્તરે કર્યુ છે.
from Entertainment News - Gujarat Samachar : World's Leading Gujarati Newspaper https://ift.tt/GLBDsFx
ConversionConversion EmoticonEmoticon