નવી દિલ્હી,તા.8.એપ્રિલ,2021
લોકપ્રિય રિયાલિટી શો ઈન્ડિયન આઈડોલના સ્ટેજ પર પણ કોરોનાની એન્ટ્રી થઈ ચુકી છે.જેના પગલે તમામ સ્પર્ધકો, જજ અને શો સાથે જોડાયેલા બીજા લોકોના કોરોના ટેસ્ટ કરવામાં આવ્યા છે.
મળતી વિગતો પ્રમાણે થોડા દિવસ પહેલા આ શોના હોસ્ટ આદિત્ય નારાયણ કોરોનાથી સંક્રમિત થયા હતા.એ પછી શોના લોકપ્રિય સ્પર્ધક પવનદીપ રાજન પણ કોરોના પોઝિટિવ થયો છે.એક ન્યૂઝ ચેનલના અહેવાલ પ્રમાણે પવનદીપને હોટલના રુમમાં ક્વોરેન્ટાઈન કરવામાં આવ્યો છે.
હવે શોના બીજા સ્પર્ધકો, જજો અને સેટ પર કામ કરતા તમામ લોકોના કોરોના ટેસ્ટ કરવામાં આવ્યા છે.જેમના રિપોર્ટની રાહ જોવાઈ રહી છે.આ શોના જજ તરીકે સિંગર નેહા ક્કકર તેમજ સંગીતકાર વિશાલ દદલાણી અને હિમેશ રેશમિયા છે.
તકેદારીના ભાગરુપે શોના તમામ સ્પર્ધકને પહેલેથી જ જુહુની એક હોટલના બાયોબબલમાં રાખવામાં આવ્યા છે.જોકે પવનદીપને છેલ્લા કેટલાક દિવસથી તાવ આવી રહ્યો હતો અને થોડી નબળાઈ લાગતી હતી.જેના પગલે તેનો કોરોના ટેસ્ટ કરવામાં આવ્યો હતો.
હવે પવનદીપ હોટલના રુમમાંથી ઓનલાઈન ગાશે અને શોમાં ભાગ લેશે.
from Entertainment News - Gujarat Samachar : World's Leading Gujarati Newspaper https://ift.tt/31XbQS0
ConversionConversion EmoticonEmoticon