(પ્રતિનિધિ દ્વારા) મુંબઇ,તા.19 ફેબ્રુઆરી 2021, શુક્રવાર
કે. કે. મેનન બોલીવૂડના શાનદાર એકટરોમાં ગણાય છે. હાલમાં તેને દાદા સાહેબ ફાળકે ઇન્ટરનેશનલ એવોર્ડથી નવાજવામાં આવ્યો છે. અભિનેતાને આ સમ્માનમોસ્ટ વર્સટાઇલ એકટર તરીકે મળ્યું છે.
કે. કે. મેનને ટ્વિટર અને ઇન્સ્ટાગ્રામના પોતાના એકાઉન્ટ પરથી આ માહિતી શેર કરી છે. જેમાં તેણે પોતાને મળેલી ટ્રોફીનું પિકચર શેર કર્યું છે. આ સાથે જ તેણે દાદા સાહેબ ફાલકે ઇન્ટરનેશનલ ફિલ્મ ફેસ્ટિવલ એવોર્ડસના ઓફિશિયલ સોશિયલ મીડિયા હેન્ડલને ટેગ કરીને આભાર પણ માન્યો છે.
કે.કે. મેનનની લેટેસ્ટ ફિલ્મની વાત કરીએ તો, તે વેબ સીરીઝ સ્પેશિલ ઓપ્સમાં જોવા મળ્યો હતો. જેમાં તેણે હિમ્મત સિંહનું પાત્ર ભજવ્યું હતું. તેના પાત્રને દર્શકોએ વખાણ્યું પણ હતું.
કે. કે. મેનને બોલીવૂડમાં ૧૯૯૫માં નસીમ ફિલ્મથી ડેબ્યુ કર્યું હતું. જોકે આ ફિલ્મમાં તેનો રોલ ઘણો ટૂંકો હતો. જેથી તે પોતાની ઓળખ બનાવી શક્યો નહીં. આ પછી અભિનેતાએ ૧૯૯૯માં ભોપાલ એકસપ્રેસમાં લીડ રોલ કર્યો હતો. જોકે તેને ઓળખ સાલ ૨૦૦૪માં રિલીઝ થયેલી ફિલ્મ બ્લેક ફ્રાઇડેથી મળી હતી.
કે. કે. મેનને અત્યાર સુધીની પોતાની કારકિર્દીમાં હજારો ખ્વાહિશે ઐશી, દીવાર, સિલસિલે, સરકાર, દંશ, એક ખિલાડી એક હસીના, કોર્પોરેટ, ધ ગાજી એટેક સહિત અન્યો ફિલ્મોમાં કામ કર્યું છે.
from Entertainment News - Gujarat Samachar : World's Leading Gujarati Newspaper https://ift.tt/3axFzpD
ConversionConversion EmoticonEmoticon