(પ્રતિનિધિ દ્વારા) મુંબઇ,તા.16 ડિસેમ્બર 2020, બુધવાર
વરુણ ધવન, નીતુ કપૂર, અનિલ કપૂર દિગ્દર્શક રાજ મહેતાની ફિલ્મ જુગ જુગ જિયોનું શૂટિંગ કરી રહ્યા હતા. તેવામાં વરુણ, નીતુ અને રાજને કોરોના પોઝિટિવ આવતા શૂટિંગ આટોપી લેવું પડયું હતું. પરંતુ હવે ત્રણેયના કોવિડ ૧૯ રિપોર્ટ નેગેટિવ આવ્યા હોવાથી ફરી શૂટિંગ શરૂ કરી રહ્યા છે.
ફિલ્મની ટીમે બાકી રહેલા કામને પૂરો કરવાનો નિર્ણય લીધો છે. નીતૂએ હજી ચાર-પાંચ દિવસ શૂટિંગ કરવું પડશે. જ્યારે અન્યો ૩૦ ડિસેમ્બર સુધી શૂટિંગ કરશે.મળેલી જાણકારી મુજબ ફિલ્મની ટીમ ૧૮મી ડિસેમ્બરના રોજ ચંદીગઢ પહોંચી જશે.
નીતૂ લાંબા સમય પછી ફરી અભિનય કરી રહી છે. તે ચંદીગઢ શૂટિંગ માટે જઇ રહી હતી ત્યારે તેણે સોશિયલ મીડિયા પર શેર કર્યું હતુ ંકે, આ કઠિન સમયમાં આ મારી પહેલી યાત્રા છે. તેથી હું નર્વસ છું. આ સમયમાં કપૂર સાહેબ મારો હાથ પકડવા માટે નથી. પરંતુ હું જાણું છું કે તમે આજે પણ મારી સાથે છો.
from Entertainment News - Gujarat Samachar : World's Leading Gujarati Newspaper https://ift.tt/34gQXmg
ConversionConversion EmoticonEmoticon