(પ્રતિનિધિ દ્વારા) મુંબઇ,તા.14 ડિસેમ્બર 2020, સોમવાર
દિપીકા પદુકોણે એક પછી એક કરીને પાંચ પ્રોજેક્ટ સાઇન કરીને વ્યસ્ત અભિનેત્રીઓની યાદીમાં આવી હઇ છે. દીપિકા પદુકોણ પતિ રણવીર સિંહ સાથે ફિલ્મ ૮૩માં જોવા મળવાની છે.
દીપિકાની નજકના સૂત્રે જણાવ્યું હતું કે, દીપિકા શાહરૂખ ખાન સાથે ફરી રૂપેરી પડદે જોવા મળવાની છે. તેણે શાહરૂખ અને જોન અબ્રાહમ સાથેની ફિલ્મ પઠાણ સાઇન કરી છે. જોકે તે આ ફિલ્મના શૂટિંગમાં આગામી વરસના મધ્યમાં જોડાશે.
તે જલદી જ નાગ અશ્વિનની ફિલ્મમાં પ્રભાસ સાથેની ફિલ્મનું શૂટિંગ કરવાની છે. જે એક સાયન્સ-ફિકશન હશે અને તેમાં દીપિકાના ખતરનાક સ્ટંટ પણ જોવા મળશે. આ એસાઇનમેન્ટ પૂરા કર્યા પછી દીપિકા એપિક ફિલ્મ મહાભારતમાંનું શૂટિંગ શરૂ કરશે જેમાં તે દ્રોપદીનું પાત્ર ભજવવાની છે. તે આ ફિલ્મ માટે લગભગ છ મહિના આપવાની છે.
from Entertainment News - Gujarat Samachar : World's Leading Gujarati Newspaper https://ift.tt/34eLmgd
ConversionConversion EmoticonEmoticon