(પ્રતિનિધિ દ્વારા) મુંબઇ,તા.18 ડિસેમ્બર 2020, શુક્રવાર
અભય દેઓલ અને કરણ દેઓલ એક ફિલ્મમાં સાથે જોવા મળવાના છે. આ ફિલ્મનું નિર્માણ અજય દેવગણ કરી રહ્યો છે, જે તેલુગુ ક્રાઇમ કોમેડી ફિલ્મ હશે. આ ફિલ્મનું દિગ્દર્શન દેવેન મુંજાલ કરવાનો છે. જેણે શાહરૂખ ખાન સાથે ફિલ્મ ચલતે ચલતે અને ઓમ શાંતિઓ જેવી ફિલ્મોમાં કામકર્યું છે.
આ ફિલ્મની વાર્તા ત્રણ મિત્રોની છે, જેઓ હંમેશા કાંઇક સારુ કરવાના પ્રયાસ કરતા હોય છે, પરંતુ હંમેશા ગરબડ અને ભૂલો થઇ જતી હોય છે. ધીરે ધીરે તેમની ભૂલો વધતી જાય છે અને એ પછી શરૂ થાય છે તેમની એક રોમાંચક સફર.
અજય દેવગણે આ ફિલ્મ માટે કલાકારોની પસંદગી કરી લીધી છે. જેમાં અભય દેઓલ અને સની દેઓલનો પુત્ર કરણ દેઓલ છે. આ ઉપરાંત તેને હજી બે અભિનેતાઓ અને એક અભિનેત્રીની પસંદગી કરવાની બાકી છે. દેવેન હાલ આ ફિલ્મની પટકથા પર કામ કરી રહ્યો છે. જોકે સૂત્રના અનુસાર સ્ક્રિપ્ટ પૂરી થઇ ગઇ છે, અને કલાકારો જલદી જ પોતપોતાના રોલ અનુસાર તૈયારીઓ શરૂ કરી દેશે.
કરણ દેઓલ અનિલ શર્માના દિગ્દર્શનમાં બનનારી ફિલ્મ અપને ટુની તૈયારીઓમાં વ્યસ્ત છે. જેમાં તે દાદા ધર્મેન્દ્ર, પિતા સની અને કાકા બોબી સાથે જોવા મળવાનો છે.
from Entertainment News - Gujarat Samachar : World's Leading Gujarati Newspaper https://ift.tt/2J62vl2
ConversionConversion EmoticonEmoticon