(પ્રતિનિધિ દ્વારા) મુંબઇ,તા.11 ડિસેમ્બર 2020, શુક્રવાર
અદા શર્મા પતિ પત્ની ઔર પંગા નામની વેબ સીરીઝમાં મુખ્ય ભૂમિકામાં જોવા મળવાની છે. તેના અનુસાર આની વાર્તા એક બહુજ સેન્સિટિવ ટોપિક પર આધારિત છે. તેને આશા છે કે તેની આ વેબ સીરીઝ ટ્રાનજેન્ડર લોકો પ્રત્યેની લોકોની નજરમાં સુધારો લાવશે. જે ડિજિટલ પ્લેટફોર્મ પર રિલીઝ કરવામાં આવશે.
અદાએ આ વિષય પર જણાવ્યું હતું કે, આવી પડકારજન્ક ભૂમિકા ભજવવાની તક મળ્યાથી હું સ્વયંને ભાગ્યશાળી માની રહી છું. આ વાર્તા એક બીજાને ગળાડૂબ પ્રેમકરનારા કપલની આસપાસ ફરે છે. લગ્ન પછી યુવકને જાણ થાય છે કે તેણે જે યુવતી સાથે લગ્ન કર્યા છે તે પહેલા એક યુવક હતી. મેં આ યુવકનું પાત્ર ભજવ્યું છે.હું માનું છું ત્યાં સુધી ભારતમાં આવી ભૂમિકા કોઇ અભિનેત્રીએ હજી સુધી ભજવી નથી.
અદાએ વધુમાં જણાવ્યું હતું કે, મને મારી કારકિર્દીમાં વિવિધ રોલ ભજવવા છે. ક્યુટ યુવતીથી લઇને ફાઇટર કમાન્ડો સુધીના દરેક રોલ મેં ભજવ્યા છે.
from Entertainment News - Gujarat Samachar : World's Leading Gujarati Newspaper https://ift.tt/3gCHBGB
ConversionConversion EmoticonEmoticon