- ટીવી સિરિયલ પરથી ફિલ્મોમાં આવ્યો હતો
મુંબઇ તા.2 નવેંબર 2020 સોમવાર
બોલિવૂડનો સુપપર સ્ટાર શાહરુખ ખાનનો આજે જન્મદિવસ છે. હેપ્પી બર્થ ડે ટુ યુ શાહરુખ ખાન... બોલિવૂડનો આ ખાન આજે 55 વર્ષનો થયો.
ટીવી સિરિયલ સરક્સ પછી ફિલ્મોમાં પ્રવેશેલા ખાને જોતજોતાંમાં સફળતાનું સર્વોચ્ચ શિખર સર કરી લીધું હતું. દિલ્હીનો એક મધ્યમવર્ગી યુવાન આજે બોલિવૂડના સૌથી શ્રીમંત કલાકારોમાં મોખરે છે. યશ ચોપરાની રોમાન્ટિક ફિલ્મોથી માંડીને ડૉન અને ચેન્નાઇ એક્સપ્રેસ જેવી એક્શન ફિલ્મોમાં એણે પોતાના અભિનયનો જાદુ પાથર્યો હતો.
અભિનયની સાથોસાથ શાહરુખે ફિલ્મ નિર્માણ પણ શરૂ કર્યું હતું અને કેટલીક સફળ ફિલ્મો બનાવી હતી. ઉપરાંત એ સ્પેશિયલ ઇફેક્ટ્સ આપનારી રેડ ચિલીઝ નામની એક ટેક્નિકલ કંપની પણ ધરાવે છે. એણે દિલ્હીની જ એક હિન્દુ યુવતી ગૌરી સાથે લગ્ન કર્યાં હતાં. ગૌરી ઇન્ટિરિયર ડિઝાઇનર છે. એણે રણબીર કપૂર જેવા કેટલાક કલાકારોના ફ્લેટની આંતરિક સજાવટ કરી હતી.
શાહરુખ ખાનને બે સંતાન છે, એક પુત્ર અને એક પુત્રી. બંનેએ વિદેશમાં શિક્ષણ લીધું હતું. શાહરુખે અમિતાભ બચ્ચન સાથે પણ કભી ખુશી કભી ગમ અને મોહબ્બતેં જેવી હિટ ફિલ્મો કરી હતી.
કોરોનાને ધ્યાનમાં રાખીને શાહરુખ પોતાના બર્થ ડેની વર્ચ્યુઅલ ઊજવણી કરવાનો છે. એ હંમેશની જેમ પાર્ટી યોજવાનો નથી.
from Entertainment News - Gujarat Samachar : World's Leading Gujarati Newspaper https://ift.tt/2Gjv39b
ConversionConversion EmoticonEmoticon