મુંબઇ તા.20 મે 2020, બુધવાર
મોહિત સૂરીની તાજેતરમાં જ હીટ નિવડેલી ફિલ્મ 'મલંગ'ની સિકવલ બનાવવાની તૈયારીઓ ફિલ્મના સર્જકોએ શરૂ કરી દીધી છે. આ વાતને તેમમે સમર્થન પણ આપી દીધું છે.
મ્યુઝિકલ, રોમેન્ટિક, એકશન-થ્રિલર તથા અનિલ કપૂર, દિશા પટણી, આદિત્ય રોય કપૂર અને કૃણાલ ખેમુને ચમકાવતી આ ફિલ્મે આ વર્ષના પ્રારંભમાં જ બોક્સઓફિસ પર જબરદસ્ત સફળતા નોંધાવી રૂા.૫૯ કરોડનો નફો ડોમેસ્ટિક બોક્સ ઓફિસ પર નોંધાવ્યો છે. હવે આ ફિલ્મ તાજેતરમાં જ ઓટીટી પ્લેટપોર્મ પર રિલિઝ થઇ છે.
'થિયેટર પર દર્શકોએ 'મલંગ'ને અભૂતપૂર્વ પ્રતિસાદ એ માટે અમે તેમના આભારી છીએ. હવે આ ફિલ્મ ઓટીટી પર જોવા મળે છે. નેટફિલ્કિસ પર લોકો આ ફિલ્મને માંણી રહ્યા છે. હવે અમે 'મલંગ-૨' લઇને આપીશું મોહિત અને લવ સિક્સવલ પર કામ કરી રહ્યા છે અને આ અંગેની વધુ માહિતી ટૂંક સમયમાં જ આપવામાં આવશે,' એમ નિર્માતા અંકુર ગર્ગે જણાવ્યું હતું.
મોહિત આ ફિલ્મને મનેલા પ્રતિસાદથી એકદમ ખુશખુશાલ છે. હજુ થોડા દિવસ અગાઉ જ 'મલંગ'ના કલાકારો અનિલ કપૂર, આદિત્ય રાય કપૂર, દિશા પટણી અને કૃણાલ ખેમુ વર્ચ્યુઅલ રિયુનિયન થયા હતા.
બદલાની ભાવના ધરાવતી આ ફિલ્મના ગોવામાં સેટ તૈયાર કરાયો હતો, જેમાં હિંસાના વ્યાપક દ્રશ્યો છે અને કેટલાક ગીતો એકથી વધુ સંગીત કારોએ રચ્યા છે.
from Entertainment News - Gujarat Samachar : World's Leading Gujarati Newspaper https://ift.tt/2LMYgIQ
ConversionConversion EmoticonEmoticon