નડિયાદ, તા.10 મે 2020, રવિવાર
મહેમદાવાદ તાલુકાના વાંઠવાડી સિમ પાસેથી પસાર થતો અમદાવાદ-વડોદરા એકસપ્રેસ હાઇવે પર ગમખ્વાર અકસ્માત સર્જાયો હતો.જેમાં બે વ્યક્તિઓના મૃત્યુ નિપજયા છે.આ બનાવ અંગે મહેમદાવાદ પોલીસે ગુનો નોંધી આગળની કાર્યવાહી હાથ ધરી છે.
પ્રાપ્ત વિગતો અનુસાર મહેમદાવાદ તાલુકાના વાંઠવાડી સીમમાં વહેલી સવારે ૬ઃ૦૦ વાગ્યાની અરસામાં એક ગંભીર અકસ્માત સર્જાયો હતો.જેમાં મહેમદાવાદના ઇસનપુરમાં આવેલી ક્રિષ્નાકુંજ સોસાયટીમાં રહેતા ઘનશ્યામગીરી નામના એક વ્યક્તિ પોતાનું ટ્રેલર લઇને વાંઠવાડી સીમ નજીકના અમદાવાદ-વડોદરા એક્સપ્રેસ હાઇવે પરથી પસાર થઇ રહ્યા હતા.તે સમયે પાછળ આવતી એક ગાડીના ચાલકે પોતાની ગાડી પુરઝડપે અને ગફલતભરી રીતે હંકારતા ગાડી ચાલકે સ્ટીયરીંગ પરનો કાબૂ ગુમાવી દીધો હતો.
આથી ગાડી ટ્રેલરની પાછળ ધડાકાભેર અથડાઇ હતી. આ અકસ્માતમાં ગાડીના ચાલકનુ ઘટના સ્થળે જ મૃત્યુ નિપજયુ હતુ.જ્યારે ગાડીમાં સવાર અન્ય ત્રણ વ્યક્તિઓને શરીરે ગંભીર ઇજાઓ પહોચી હતી. આથી તેમને તાત્કાલિક સારવાર અર્થે નજીકની હોસ્પિટલ ખસેડાયા હતા.પરંતુ હોસ્પિટલ પહોંચતા જ એક વ્યક્તિનું મૃત્યુ નિપજયુ હતુ.આ બનાવ અંગે ઘનશ્યામગીરી શ્રીરામગીરી ગીરી એ મહેમદાવાદ પોલીસ મથકે ગાડીના ચાલક વિરુધ્ધ ફરિયાદ નોંધાવી છે.
from Kheda anand News - Gujarat Samachar : World's Leading Gujarati Newspaper https://ift.tt/2WipyNi
ConversionConversion EmoticonEmoticon