મુંબઇ, તા.11 ઓકટોબર 2019, શુક્રવાર
મેગાસ્ટાર અમિતાભ બચ્ચનનેા આજે બર્થ ડે છે. હેપ્પી બર્થ ડે ટુ યુ અમિતાભ બચ્ચન !
છેલ્લાં પચાસ વર્ષમાં સંખ્યાબંધ મેગાહિટ ફિલ્મો આપનારા અમિતાભ બચ્ચન આજે આવરદાના આઠમા દાયકામાં પણ સૌથી બીઝી અભિનેતા રહ્યા છે. 1990ના દાયકામાં એક સમયે દેવાળિયા જેવી સ્થિતિમાં મૂકાઇ ગયેલા અમિતાભ ફિનિક્સ પંખીની જેમ રાખમાંથી બેઠા થયા અને આજે ફરી સમકાલીન યુવાન કલાકારોની તુલનાએ સૌથી વધુ બીઝી કલાકાર બની રહ્યા છે.
તેમના સ્થાનને કોઇ યુવાન કલાકાર હજુ સુધી ડગાવી શક્યો નથી.
અમિતાભ પોતે હાલના પોતાના જીવનને બીજો જન્મ ગણાવે છે. 1983માં મનમોહન દેસાઇની કુલી ફિલ્મના સેટ પર એક્શન દ્રશ્ય કરવા જતાં પેટમાં ઇજા પામ્યા બાદ લગભગ મૃત્યુદ્વારે હાથ લગાડી આવેલા અમિતાભ માને છે કે પોતાના લાખ્ખો ચાહકોની પ્રાર્થનાના જોરે પોતે ઊગરી ગયા હતા.
એક્શન ફિલ્મોથી માંડીને કોમેડી અને હેતુલક્ષી ફિલ્મો ઉપરાંત કૌન બનેગા કરોડપતિ જેવા ટીવી શોમાં પણ નંબર વન બની રહ્યા છે.
આ ટીવી શો માટે શાહરુખ ખાન, અનુપમ ખેર અને ગોવિંદા જેવા કલાકારો પણ પ્રયાસો કરી ગયા પરંતુ ફાવ્યા નહીં. આમ ફિલ્મો અને ટીવી શો બંનેમાં અમિતાભ એક અને અજોડ બની રહ્યા છે.
from Entertainment News - Gujarat Samachar : World's Leading Gujarati Newspaper https://ift.tt/2M77XCO
ConversionConversion EmoticonEmoticon