Tiktok Star Kubra Aykut Committed Suicide : તુર્કીની ટિકટોક સ્ટાર અને ઈન્ફ્લએન્સર કુબ્રા આયકુટ ગયા વર્ષે પોતાની જાત સાથે લગ્ન કર્યા બાદ ચર્ચામાં આવી હતી. આયકુટે સોમવારે ઈસ્તાંબુલના સુલતાનબેલી જિલ્લામાં એક લક્ઝુરિયસ એપાર્ટમેન્ટના પાંચમા માળેથી કૂદીને આત્મહત્યા કરી હોવાની જાણકારી મળી છે. મળતી માહિતી પ્રમાણે, પોલીસ અધિકારીઓને તેના મૃતદેહ પાસે એક સુસાઈડ નોટ પણ મળી છે. જ્યારે આયકુટે ખરેખર આત્મહત્યા કરી છે કે અન્ય કોઈ કારણ છે, તેને લઈને તપાસ શરુ છે.
તુર્કીની ટિકટોક સ્ટારે તેની છેલ્લા પોસ્ટમાં શું લખ્યું?
તુર્કીની ટિકટોક સ્ટારના ચાહકો તેમના મૃત્યુથી આઘાતમાં છે. આયકુટે તેની છેલ્લી પોસ્ટમાં લખ્યું હતું, 'મેં મારી શક્તિ એકઠી કરી છે, પણ હું વજન વધારી શકતી નથી, હું દરરોજ એક કિલો ઘટાડી શકી છું, મને ખબર નથી પડતી કે શું કરવું. મારે વજન વધારવાની જરૂરી છે.' તેના છેલ્લા ટીકટોક વીડિયોમાં પોતાના એપાર્ટમેન્ટની સફાઈ કરતી જોવા મળી હતી.
2023માં લગ્ન કર્યા બાદ તે લાઇમલાઇટમાં આવી હતી
આયકુટેએ 2023માં 'વેડિંગ વિધાઉટ અ ગ્રૂમ' નામની એક વીડિયો સીરિઝ લોન્ચ કરી હતી. આ સીરિઝના કારણે તેની લોકચાહના વધી હતી. એક નિવેદનમાં તેણે કહ્યું હતું કે, 'પોતાની માટે કોઈ યોગ્ય વર નથી મળી રહ્યો હોવાથી હું મારી જાત સાથે લગ્ન કરી રહી છું. આ સિવાય તે દુલ્હનના કપડામાં બર્ગર ખાતી પણ જોવા મળી હતી.
આ પણ વાંચો : મારા અને શુભમન ગિલ વચ્ચે એવું કશું નથી: બોલિવૂડ અભિનેત્રીએ ડેટિંગની વાતો પર તોડ્યું મૌન
આયકુટના અંતિમ સંસ્કારમાં અનેક ટીકટોક ટીકટોક સેલિબ્રિટી હાજરી આપે તેવી શક્યતા છે.
from Entertainment News - Gujarat Samachar : World's Leading Gujarati Newspaper https://ift.tt/LrXv7n8
ConversionConversion EmoticonEmoticon