(પ્રતિનિધિ દ્વારા) મુંબઇ,તા.11 માર્ચ 2021, ગુરુવાર
ફિલ્મ વોરના દિગ્દર્શક સિદ્ધાર્થ આનંદ પોતાની આગામી ફિલ્મ માટે હૃતિક રોશન અને પ્રભાસનો સંપર્ક કર્યો છે. આ ફિલ્મને યશરાજ બેનર પ્રોડયુસ કરવાનું છે.
ડાયરેકટર સિદ્ધાર્થ આનંદ સાથે એક ફિલ્મ માટે પ્રભાસની વાતચીત ચાલી રહી છે. જેમાં બોલીવૂડનો ટોચનો એકશન સ્ટાર હૃતિક રોશન પણ કામ કરવાનો છે. જો બધુ સમૂસુથરું પાર પડશે તો આ ભારતીય સિનેમાની સૌથી મોટી મલ્ટીસ્ટારર ફિલ્મ સાબિત થઇ શકે એમ છે.
આ ફિલ્મ મેગા બજેટ ફિલ્મ બનશે. આ ફિલ્મ માટે રૂપિયા ૫૦૦ કરોડનું બજેટ હોવાની ચર્ચા છે.
આ ફિલ્મ વોરની સિકવલ હોવાની પણ ચર્ચા છે. જોકે હજી સ્પષ્ટ થયું નથી. વોર ફિલ્મમાં ટાઇગર શ્રોફને ફિલ્મના અંતમાં અવસાન પામેલો દર્શાવામાં આવ્યો હતો. હવે સિકવલમાં તેની જરૂર રહી ન હોવાથી તેને આ ફિલ્મમાં લેવામાં આવશે નહીં તેવી વાત છે. જોકે એક વાતએવી પણ છે કે, ફિલ્મ મેકર્સ ટાઇગર શ્રોફના પાત્રને સિકવલમાં જીવતુ બનાવે તેવી શક્યતા છે. જોકે આ વાતને કોઇ સ્પષ્ટતા કરવામાં આવી નથી.
from Entertainment News - Gujarat Samachar : World's Leading Gujarati Newspaper https://ift.tt/30BGEHi
ConversionConversion EmoticonEmoticon