(પ્રતિનિધિ દ્વારા) મુંબઇ,તા.12 ડિસેમ્બર 2020, શનિવાર
ફિલ્મ લવ સેક્સ ઓર ધોખા અને ડર્ટી પિકચર જેવી ફિલ્મોમાં કામ કરી ચુકેલી અભિનેત્રી આર્યા બેનર્જીનંં શંકાસ્પદ પરિસ્થિતિમાં નિધન થઇ ગયું છે. જેની તપાસ પોલીસ કરી રહી છે. આર્યાનું શબ દક્ષિણ કોલકાતાના જોધપુર પાર્ત સ્થિતમાં આવેલા તેના ફ્લેટમાંથી મળ્યું હતું. તેનું શબ લોહીથી લથપથ હતું. દેવદત્તા બેનર્જી અથવા તો આર્યાના મૃત્યુની પોલીસ તપાસ ચાલુ છે.
સૂત્રોના અનુસાર આર્યાની નોકરાણી એ દિવસે આર્યાના ઘર પર કામ કરવા ગઇ હતી. ત્યારે આર્યાએ દરવાજો ખોલ્યો નહોતો. આ પછી નોકરાણીએ ઘણા ફોન કર્યા પરંતુ કોઇ જવાબ મળ્યો નહોતો. તેને શક જવાથી પોલીસ સ્ટેશન પર જઇને તેણે સઘળી બીના જણાવી હતી. પોલીસ તરત જ ઘટનાસ્થળે પહોંચી હતી અને દરવાજો તોડીને અંદર ગઇ હતી.આર્યા મૃતઅવસ્થામાં પથારીમાં પડી હતી. તેના નાકમાંથી રક્ત જઇ રહ્યું હતું અને તેને ઊલટી પણ થઇ હતી. શબને પોસ્ટમોર્ટમ માટે મોકલવામાં આવ્યું હતું.
આર્યા બેનર્જી સોશિયલ મીડિયા પર પણ એકટિવ હતી. તે પોતાના પ્રશંસકોને અપડેટ રાખતી હતી.
from Entertainment News - Gujarat Samachar : World's Leading Gujarati Newspaper https://ift.tt/37XrHCL
ConversionConversion EmoticonEmoticon