કોલકાતા, તા. 21 ઓક્ટોબર 2020, બુધવાર
પશ્ચિમ બંગાળના ટીએમસીની સાંસદ અને અભિનેત્રી નુસરત જહાં સોશિયલ મીડિયા પર અત્યંત લોકપ્રિય છે. કેટલીકવાર તેના ફોટોગ્રાફ્સ બોલ્ડ હોય છે અને કેટલીકવાર વિવાદોને કારણે તે સમાચારોમાં રહે છે. નુસરત જેટલી સુંદર અને સ્ટાઇલિશ છે તેટલી જ આખા બોલી છે જેને કારણે તે ઘણી વખત વિવાદોમાં ફસાઈ જાય છે.
તાજેતરમાં તૃણમૂલ કોંગ્રેસની સાંસદે તેના નવા ફોટાઓને લઈને ચર્ચામાં છે. નુસરતનાં લેટેસ્ટ ફોટોશૂટની તસવીરો સોશિયલ મીડિયા પર વાયરલ થઈ છે. આ તસવીરોમાં નુસરત એકદમ અલગ અને ગ્લેમરસ લાગી રહી છે. નુસરતે તમામ ફોટા ઇન્સ્ટાગ્રામ પર પોસ્ટ કર્યા છે.
આ તસવીરમાં નુસરત બ્લેક લેધરના બ્રેસલેટ અને પેન્ટમાં જોવા મળી રહી છે. સાંસદે આ તસવીરો સાથે લખ્યું - લોકો જોતા રહી જશે. નુસરતની આ તસવીરો ખુબ પસંદ કરવામાં આવી રહી છે. ફિલ્મ ઇન્ડસ્ટ્રી અને સંસદમાં તેની સાથી મિમી ચક્રવર્તીએ પણ કોમેન્ટ કરીને નુસરતની પ્રશંસા કરી છે. મિમીએ લખ્યું હતું ‘કિલર’. નુસરતની ફિલ્મ એસઓએસ (SOS) કોલકાતાના થિયેટરોમાં રિલીઝ થવા જઈ રહી છે.
આ ફિલ્મમાં મિમી ચક્રવર્તી પણ જોવા મળશે. તેમજ યશ દાસગુપ્તા મુખ્ય ભૂમિકામાં છે, જ્યારે સબ્યસાચી ચક્રવર્તી મહત્વપૂર્ણ ભૂમિકામાં છે. આ એક એક્શન થ્રિલર ફિલ્મ છે અને નુસરતનું ફોટોશૂટ તે થીમને ધ્યાનમાં રાખીને જ કરવામાં આવ્યું છે.
from Entertainment News - Gujarat Samachar : World's Leading Gujarati Newspaper https://ift.tt/3onkVh0
ConversionConversion EmoticonEmoticon