(પ્રતિનિધિ દ્વારા) મુંબઇ,તા.27 ઓકટોબર 2020, મંગળવાર
ટેલિવિઝન જગતની અભિનેત્રી માલવી મલ્હોત્રા પર ચાકુથી જીવલેણ હુમલો કરવામાં આવ્યો છે. તે ગંભીર રીતે ઘાયલ થતાં તેને મુંબઇની કોકિલાબેન હોસ્પિટલમાં સારવાર માટે દાખલ કરવામાં આવી છે. પોતાને પ્રોડયુસર કહેનારા યોગેશ નામના યુવકે માલવી પર હુમલો કર્યો છે.
ફેસબુક પર માલવી અને યોગેશની દોસ્તી થઇ હતી. આશંકા છે કે, એકતરફી પ્રેમને કારણે યોગેશે તેના પર હુમલો કર્યો છે. જોકે પોલીસ તપાસ ચાલુ છે અને આ લખાઇ છે ત્યાં સુધી યોગેશની શોધ થઇ શકી નથી. વર્સોવા પોલિસના અનુસાર યોગેશે માલવી પર ચાર વખત ચાકુથી હુમલો કર્યો છે. જોકે અભિનેત્રીની હાલત ગંભીર નથી.
માલવીની ફરિયાદ અનુ,ાર, આરોપી યોગેશ મહિપાલ સિંહ સાથે તેની દોસ્તી ફેસબુક પર થઇ હતી. તે કામ મેળવવા માટે તેને એક વખત કોફી ડેમાં મળી હતી. સોમવારે રાતના તે પોતાના ઘરથી બહાર નીકળી ત્યારે યોગેશ પોતાની ઓડી કાર લઇને બહાર ઊભો હતો. માલવીએ તેના પર ધ્યાન આપ્યું નહોતું. પરિણામે તે માલવીને સડકની વચ્ચોવચ રોકવા લાગ્યો અને માલવીએ તેનો વિરોધ કરતા તેના પર ચાર વખત ચાકુથી હુમલો કર્યો હતો. આ પછી તે ફરાર થઇ ગયો હતો.
માલવીની ફરિયાદ પરથી યોગેશ વિરુદ્ધ હત્યાના પ્રયાસ નોંધીને પોલીસે તપાસ શરૂ કરી દીધી છે. ઘટનાસ્થળ પર લાગેલા સીસીટીવી કેમેરાની મદદથી ઘણા મહત્વના પુરાવા પણ મળ્યા છે.
માલવી હિમાચલની રહેનારી છે તેણે તેલુગુ, તમિલ,અન ેહિંદી ફિલ્મ હોટલ મિલન તેમ જ સીરિયલ ઉડાનમાં કામ કર્યું છે. આ ઉપરાંત તેણે ઘણા વિજ્ઞાાપનમાં પણ કામ કર્યું છે.
from Entertainment News - Gujarat Samachar : World's Leading Gujarati Newspaper https://ift.tt/2HK6rqI
ConversionConversion EmoticonEmoticon