બેંગાલુરુ, તા. 21 ઓક્ટોબર 2020, બુધવાર
કન્નડ સુપર સ્ટાર ધ્રુવ સર્જાએ તેના ભાઈ ચિરંજીવીના દીકરા માટે ચાંદીનું ઘોડીયું ખરીદ્યું છે. આ ચાંદીના ઘોડીયાની કિંમત દસ લાખ રૂપિયા છે. ધ્રુવ સર્જાની એક પોસ્ટ વાયરલ થઈ છે જેમાં તે ચાંદીના આ ઘોડીયા સાથે પોઝ આપતો જોવા મળ્યો છે. ચિરંજીવી સર્જાની પત્ની મેઘના રાજ ટૂંક સમયમાં બાળકને જન્મ આપશે.
ચિરંજીવી સર્જા પણ સાઉથનો સુપર સ્ટાર હતો અને તેનું આ વર્ષે સાતમી જૂને 39 વર્ષની ઉંમરે હાર્ટ એટેકથી નિધન થયું હતું પરંતુ તેનો ભાઈ ધ્રુવ સર્જા તેના પરિવાર સાથે મજબૂતીથી ઉભો રહ્યો છે. ગત અઠવાડિયે તેણે પોતાની ભાભી માટે બેબી શાવરનું એક શાનદાર ફંકશન રાખ્યું હતું. આ પ્રસંગે ધ્રુવના પરિવારજનો ઉપરાંત મેઘના અને ધ્રુવના મિત્રો પણ ઉપસ્થિત રહ્યા હતા. આ પ્રસંગના ફોટો ખૂબ વાયરલ થયા હતા. ધ્રુવે પણ ઇન્સ્ટાગ્રામ પર આ ફોટો પોસ્ટ કર્યા હતા.
બર્થ ડે પણ સેલિબ્રેટ કરી હતી
થોડા સમય અગાઉ એટલે કે છઠ્ઠી ઓક્ટોબરે ધ્રુવે તેની બર્થ ડે પણ સેલિબ્રેટ કરી હતી. એ વખતે પણ પરિવારજનો હાજર રહ્યા હતા. એ સમયે મેઘનાએ લખ્યું હતું કે ધ્રુવ જે રીતે મારી સાથે મજબૂત રીતે ઉભો રહ્યો છે તેવી જ રીતે હું પણ તેના જીવનમાં હંમેશાં સહકાર આપતી રહીશ.
ચિરંજીવીના પરિવારના મોટાભાગના સભ્યો છે ઍક્ટર કે સુપરસ્ટાર છે
ચિરંજીવી એક ફિલ્મી પરિવારમાંથી આવે છે. તે સુપરસ્ટાર શક્તિપ્રસાદના ગ્રાન્ડસન અને અર્જુન સર્જાના ભત્રીજા છે. કન્નડ ફિલ્મોના પીઢ અભિનેતા જે. સી રામાસ્વામી કે જે તેમના સ્ટેજનૅમ શક્તિ પ્રસાદથી ઓળખાય છે. તેમના કરિયરના 20 વર્ષ કન્નડ ઇન્ડસ્ટ્રીને આપ્યા છે. તેમણે 200થી વધારે ફિલ્મો આપી છે. આ ફિલ્મોમાંથી ઘણી ફિલ્મો એવી છે તે જેનો પર્યાય આજે પણ મળ્યો નથી.
શક્તિપ્રસાદના દિકરો એટલે અર્જુન સર્જાએ ઘણી હિટ મુવી આપી છે. ચિરંજીવીની પત્ની મેઘના રાજ પણ સાઉથની જાણીતી અભિનેત્રી છે. જ્યારે ચિરંજીવીનો ભાઇ ધ્રુવ સર્જા પણ એક અભિનેતા છે. અર્જુન સર્જાની દીકરી ઐશ્વર્યા પણ સાઉથની જાણીતી અભિનેત્રી છે.
from Entertainment News - Gujarat Samachar : World's Leading Gujarati Newspaper https://ift.tt/2HdVNsm
ConversionConversion EmoticonEmoticon