મુંબઇ, 5 મે 2020 મંગળવાર
ઋષિ કપૂર 30 એપ્રિલનાં દિવસે આ દુનિયા છોડીને ચાલ્યા ગયા. ઋષિ કપૂરના ગયા પછી પત્ની નીતુ કપૂર મુશ્કેલ સમયમાં ઋષિ કપૂર અને કપૂર પરિવારને મદદ કરનારા દરેકનો આભાર માની રહી છે.
નીતુએ મુકેશ અંબાણી અને નીતા અંબાણી સાથે પોતાનો અને ઋષિ કપૂરનો એક ફોટો શેર કર્યો, લખ્યું કે અમારા માટે એક પરિવાર તરીકે 2 વર્ષ ખૂબ લાંબી મુસાફરી રહી. કેટલાક સારા દિવસો હતા, કેટલાક ખરાબ દિવસો પણ હતા.
પરંતુ આ યાત્રા અંબાણી પરિવારના પ્રેમ અને સમર્થન વિના પુરી ન થઇ શકી હોત. છેલ્લા કેટલાક દિવસોથી અમે આ પરિવારનો પ્રત્યેનો આભાર વ્યક્ત કરવા માટેનાં શબ્દો શોધવાનો પ્રયાસ કરી રહ્યા હતા, જેમણે આ સમય દરમિયાન અમને ઘણી રીતે ટેકો આપ્યો.
તેમણે લખ્યું, છેલ્લા 7 મહિનાથી પરિવારના દરેક સભ્યએ તે બાબતનું ધ્યાન રાખ્યું કે ઋષિ અને અમને કોઈ સમસ્યા ન થાય. તેણે અમારી ખૂબ કાળજી લીધી.તે હોસ્પિટલમાં મળવા આવતા અને ઋષિને ખૂબ પ્રેમ અને તેની કાળજી રાખતા. તેમણે અમને એ સમયે સંભાળ્યા જ્યારે અમે ગભરાયેલા હતાં.
અંબાણી પરિવારના દરેક સભ્યનું નામ લેતા નીતુએ લખ્યું, 'મુકેશ ભાઈ, નીતા ભાભી, આકાશ, શ્ર્લોકા, અનંત અને ઇશા, તમે લોકો હંમેશાં એક ગાર્ડિયન એન્જલની જેમ અમારી સાથે રહ્યા છો.
તમે અમારા બધા માટે શું અનુભવો છો તે અમે કહી શકતા નથી. અમે આપ સૌનો હૃદયપૂર્વક આભાર માનીએ છિએ. અમે નસીબદાર છીએ કે તમે લોકો અમારી જિંદગીમાં છો. રણબીર, રિદ્ધિમા અને આખા કપૂર પરિવાર તરફથી હું આપનો આભાર માનું છું. '
from Entertainment News - Gujarat Samachar : World's Leading Gujarati Newspaper https://ift.tt/3b4qJ7e
ConversionConversion EmoticonEmoticon