(પ્રતિનિધિ દ્વારા) મુંબઇ, તા.04 મે 2020, સોમવાર
છેલ્લા ઘણા સમયથી સાઉથના સુપરસ્ટાર ચિરંજીવીની આવનારી ફિલ્મ આચાર્ય ચર્ચામાં છે. આ ફિલ્મની સત્તાવાર ઘોષણા કરી દેવામાં આવી છે. હવે આ ફિલ્મને લગતા છેલ્લા નવા સમાચાર એ છે કે, આ ફિલ્મમાં એક ખાસ રોલ માટે સલમાન ખાનનો સંપર્ક કરવામાં આવ્યો છે. કહેવાય છે કે, આ એક ખાસ કેમિયો પાત્ર હશે જેને સલમાન ખાન નિભાવે તેવી ડાયરેકટરની ઇચ્છા છે. જોકે સલમાન ખાને હજી આ ઓફરનો કોઇ જવાબ આપ્યો નથી. ચિરંજીવી સાથે આ ફિલ્મમાં કાજોલ અગ્રવાલ કામ કરવાની છે. આ ફિલ્મનું દિગ્દર્શન સુજીત કરવાનો છે.
સલમાનની આગામી ફિલ્મ રાધે : યોર મોસ્ટ વોન્ટેડ ભાઇ છે. આ ફિલ્મનું છેલ્લુ શૂટિંગ શેડયુલ લોકડાઉનના કારણે બાકી રહી ગયું છેે.
પ્રભુદેવાના દિગ્દર્શનમાં બની રહેલી આ ફિલ્મમાં સલમાન સાથે દિશા પટાણી, રણદીપ હુડા અને જેકી શ્રોફ જોવા મળશે.
આ ઉપરાંત સલમાને પોતાની એક અન્ય ફિલ્મ કભી ઇદ કભી દિવાળીની ઘોષણા કરી દીધી છે. જેમાં તેની સાથે પૂજા હેગડે જોડી જમાવાની છે.
from Entertainment News - Gujarat Samachar : World's Leading Gujarati Newspaper https://ift.tt/3fjRgR3
ConversionConversion EmoticonEmoticon